حَدَّثَنَا إِسْمَاعِيلُ بْنُ إِبْرَاهِيمَ حَدَّثَنَا عَبْدُ الْعَزِيزِ بْنُ صُهَيْبٍ وَقَالَ مَرَّةً أَخْبَرَنَا عَبْدُ الْعَزِيزِ بْنُ صُهَيْبٍ عَنْ أَنَسِ بْنِ مَالِكٍ قَالَكَانَ مُعَاذُ بْنُ جَبَلٍ يَؤُمُّ قَوْمَهُ فَدَخَلَ حَرَامٌ وَهُوَ يُرِيدُ أَنْ يَسْقِيَ نَخْلَهُ فَدَخَلَ الْمَسْجِدَ لِيُصَلِّيَ مَعَ الْقَوْمِ فَلَمَّا رَأَى مُعَاذًا طَوَّلَ تَجَوَّزَ فِي صَلَاتِهِ وَلَحِقَ بِنَخْلِهِ يَسْقِيهِ فَلَمَّا قَضَى مُعَاذٌ الصَّلَاةَ قِيلَ لَهُ إِنَّ حَرَامًا دَخَلَ الْمَسْجِدَ فَلَمَّا رَآكَ طَوَّلْتَ تَجَوَّزَ فِي صَلَاتِهِ وَلَحِقَ بِنَخْلِهِ يَسْقِيهِ قَالَ إِنَّهُ لَمُنَافِقٌ أَيَعْجَلُ عَنْ الصَّلَاةِ مِنْ أَجْلِ سَقْيِ نَخْلِهِ قَالَ فَجَاءَ حَرَامٌ إِلَى النَّبِيِّ صَلَّى اللَّهُ عَلَيْهِ وَسَلَّمَ وَمُعَاذٌ عِنْدَهُ فَقَالَ يَا نَبِيَّ اللَّهِ إِنِّي أَرَدْتُ أَنْ أَسْقِيَ نَخْلًا لِي فَدَخَلْتُ الْمَسْجِدَ لِأُصَلِّيَ مَعَ الْقَوْمِ فَلَمَّا طَوَّلَ تَجَوَّزْتُ فِي صَلَاتِي وَلَحِقْتُ بِنَخْلِي أَسْقِيهِ فَزَعَمَ أَنِّي مُنَافِقٌ فَأَقْبَلَ النَّبِيُّ صَلَّى اللَّهُ عَلَيْهِ وَسَلَّمَ عَلَى مُعَاذٍ فَقَالَ أَفَتَّانٌ أَنْتَ أَفَتَّانٌ أَنْتَ لَا تُطَوِّلْ بِهِمْ اقْرَأْ بِسَبِّحْ اسْمَ رَبِّكَ الْأَعْلَى وَالشَّمْسِ وَضُحَاهَا وَنَحْوِهِمَا
Anas ibn Molik (roziyallohu anhu)dan rivoyat qilinadi, u dedi: Muoz ibn Jabal oʻz qavmiga imomlik qilar edi. Harom xurmozorini sugʻormoqchi boʻlib, qavm bilan namoz oʻqish uchun masjidga kirdi. Muozning (namozni) uzaytirganini koʻrgach, namozini qisqartirdi va xurmozoriga sugʻorgani ketdi. Muoz namozini tugatgach, unga: «Harom masjidga kirgan edi, seni uzaytirayotganingni koʻrgach, namozini qisqartirib, xurmozoriga sugʻorgani ketdi», deyildi. U: «Albatta, u munofiqdir! Xurmozorini sugʻorish uchun namozdan shoshiladimi?» dedi. (Roviy) dedi: Shunda Harom Nabiy ﷺning huzurlariga keldi, Muoz ham u zotning yonlarida edi. U: «Ey Allohning Nabiysi, men xurmozorimni sugʻormoqchi edim, qavm bilan namoz oʻqish uchun masjidga kirdim. U (namozni) uzaytirgach, men namozimni qisqartirib, xurmozorimga sugʻorgani ketdim. U esa meni munofiq deb daʼvo qilyapti», dedi. Shunda Nabiy ﷺ Muozga yuzlanib: «Sen fitnachimisan? Sen fitnachimisan? Ularga (namozni) uzaytirma! ‹Sabbihisma robbikal-aʼlo›, ‹Vashshamsi vazuhoho› va shularga oʻxshashlarni oʻqi», dedilar.Анас ибн Молик (розияллоҳу анҳу)дан ривоят қилинади, у деди: Муоз ибн Жабал ўз қавмига имомлик қилар эди. Ҳаром хурмозорини суғормоқчи бўлиб, қавм билан намоз ўқиш учун масжидга кирди. Муознинг (намозни) узайтирганини кўргач, намозини қисқартирди ва хурмозорига суғоргани кетди. Муоз намозини тугатгач, унга: «Ҳаром масжидга кирган эди, сени узайтираётганингни кўргач, намозини қисқартириб, хурмозорига суғоргани кетди», дейилди. У: «Албатта, у мунофиқдир! Хурмозорини суғориш учун намоздан шошиладими?» деди. (Ровий) деди: Шунда Ҳаром Набий ﷺнинг ҳузурларига келди, Муоз ҳам у зотнинг ёнларида эди. У: «Эй Аллоҳнинг Набийси, мен хурмозоримни суғормоқчи эдим, қавм билан намоз ўқиш учун масжидга кирдим. У (намозни) узайтиргач, мен намозимни қисқартириб, хурмозоримга суғоргани кетдим. У эса мени мунофиқ деб даъво қиляпти», деди. Шунда Набий ﷺ Муозга юзланиб: «Сен фитначимисан? Сен фитначимисан? Уларга (намозни) узайтирма! ‹Саббиҳисма роббикал-аъло›, ‹Вашшамси вазуҳоҳо› ва шуларга ўхшашларни ўқи», дедилар.