Anas ibn Molik (roziyallohu anhu)dan rivoyat qilinadi: Rasululloh ﷺ: «Muhammadning joni qoʻlida boʻlgan Zotga qasamki, agar men koʻrgan narsani koʻrganingizda, oz kulib, koʻp yigʻlagan boʻlar edingiz», dedilar. Ular: «Nimani koʻrdingiz?» dedilar. U zot: «Jannat va doʻzaxni koʻrdim», dedilar. Va u zot ularni namozga qizgʻanchiqlik bilan undadilar, u zot imomlari boʻlganda rukuʼ va sajdada u zotdan oʻzib ketishlaridan hamda u zot namozdan chiqmasdan burun chiqib ketishlaridan qaytardilar va ularga: «Albatta, men sizlarni oldimdan ham, ortimdan ham koʻrib turaman», dedilar. (Rivoyatchi aytdi:) Men Anasdan kasal kishining namozi haqida soʻradim. U: «Farz namozda oʻtirgan holda rukuʼ va sajda qiladi», dedi.Анас ибн Молик (розияллоҳу анҳу)дан ривоят қилинади: Расулуллоҳ ﷺ: «Муҳаммаднинг жони қўлида бўлган Зотга қасамки, агар мен кўрган нарсани кўрганингизда, оз кулиб, кўп йиғлаган бўлар эдингиз», дедилар. Улар: «Нимани кўрдингиз?» дедилар. У зот: «Жаннат ва дўзахни кўрдим», дедилар. Ва у зот уларни намозга қизғанчиқлик билан ундадилар, у зот имомлари бўлганда рукуъ ва саждада у зотдан ўзиб кетишларидан ҳамда у зот намоздан чиқмасдан бурун чиқиб кетишларидан қайтардилар ва уларга: «Албатта, мен сизларни олдимдан ҳам, ортимдан ҳам кўриб тураман», дедилар. (Ривоятчи айтди:) Мен Анасдан касал кишининг намози ҳақида сўрадим. У: «Фарз намозда ўтирган ҳолда рукуъ ва сажда қилади», деди.