Anas (roziyallohu anhu) aytdi: Rasululloh ﷺ Zaynab (bilan qilgan nikohlari) uchun valima qildilar va musulmonlarni non va goʻsht bilan toʻydirdilar. Soʻng uylanganlarida qiladigan odatlaricha chiqdilar: moʻminlar onalarining hujralariga borib, ularga salom berar, ular uchun duo qilar edilar; ular ham u zotga salom berar va u zot uchun duo qilar edilar. Soʻng qaytdilar, men ham u zot bilan birga edim. Eshikka yetganlarida, uyning bir chekkasida ikki kishi gaplashib oʻtirgan ekan. Rasululloh ﷺ ularni koʻrib, orqalariga qaytdilar. Haligi ikki kishi Nabiy ﷺning qaytib ketganlarini koʻrishgach, qoʻrqib sakrab turdilar-da, chiqib ketdilar. Bilmadim, u zotga men xabar berdimmi yoki boshqa birov xabar berdimi — Nabiy ﷺ qaytib keldilar.Анас (розияллоҳу анҳу) айтди: Расулуллоҳ ﷺ Зайнаб (билан қилган никоҳлари) учун валима қилдилар ва мусулмонларни нон ва гўшт билан тўйдирдилар. Сўнг уйланганларида қиладиган одатларича чиқдилар: мўминлар оналарининг ҳужраларига бориб, уларга салом берар, улар учун дуо қилар эдилар; улар ҳам у зотга салом берар ва у зот учун дуо қилар эдилар. Сўнг қайтдилар, мен ҳам у зот билан бирга эдим. Эшикка етганларида, уйнинг бир чеккасида икки киши гаплашиб ўтирган экан. Расулуллоҳ ﷺ уларни кўриб, орқаларига қайтдилар. Ҳалиги икки киши Набий ﷺнинг қайтиб кетганларини кўришгач, қўрқиб сакраб турдилар-да, чиқиб кетдилар. Билмадим, у зотга мен хабар бердимми ёки бошқа биров хабар бердими — Набий ﷺ қайтиб келдилар.