Anas (roziyallohu anhu)dan rivoyat qilinadi: Rasululloh ﷺ yurib kelib, masjidga yaqin joyga yetdilar. Shunda u zotning oldilariga bir keksa — yoki bir kishi — kelib: «Qiyomat qachon, yo Rasululloh?» dedi. U zot: «Sen unga nima tayyorlading?» dedilar. U kishi: «Seni haq bilan yuborgan Zotga qasamki, men unga koʻp namoz ham, roʻza ham tayyorlaganim yoʻq, lekin men Alloh va Uning Rasulini sevaman», dedi. U zot: «Sen oʻzing sevgan (zot) bilan birgasan», dedilar.Анас (розияллоҳу анҳу)дан ривоят қилинади: Расулуллоҳ ﷺ юриб келиб, масжидга яқин жойга етдилар. Шунда у зотнинг олдиларига бир кекса — ёки бир киши — келиб: «Қиёмат қачон, ё Расулуллоҳ?» деди. У зот: «Сен унга нима тайёрладинг?» дедилар. У киши: «Сени ҳақ билан юборган Зотга қасамки, мен унга кўп намоз ҳам, рўза ҳам тайёрлаганим йўқ, лекин мен Аллоҳ ва Унинг Расулини севаман», деди. У зот: «Сен ўзинг севган (зот) билан биргасан», дедилар.