Abu Hurayra (roziyallohu anhu)dan rivoyat qilinadi: Rasululloh ﷺ bizga xutba qilib: «Ey odamlar! Alloh sizlarga hajni farz qildi, bas, haj qilinglar», dedilar. Shunda bir kishi: «Har yilimi, yo Rasululloh?» dedi. (U zot) jim turdilar, hatto (u kishi buni) uch marta aytdi. Soʻng Rasululloh ﷺ: «Agar men ‹ha› desam, (har yili) vojib boʻlib qolardi va sizlar (bunga) qodir boʻla olmasdingiz», dedilar. Soʻng (u zot): «Men sizlarni (oʻz holiga) qoʻygan ekanman, meni (savol bermay) qoʻyib qoʻyinglar. Zero, sizlardan oldingilar koʻp savol berganlari va paygʻambarlariga (qarshi) ixtilof qilganlari sababli halok boʻlganlar. Bas, agar men sizlarni biror narsaga buyursam, undan qoʻlingizdan kelganicha bajaringlar, agar sizlarni biror narsadan qaytarsam, uni tark etinglar», dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ бизга хутба қилиб: «Эй одамлар! Аллоҳ сизларга ҳажни фарз қилди, бас, ҳаж қилинглар», дедилар. Шунда бир киши: «Ҳар йилими, ё Расулуллоҳ?» деди. (У зот) жим турдилар, ҳатто (у киши буни) уч марта айтди. Сўнг Расулуллоҳ ﷺ: «Агар мен ‹ҳа› десам, (ҳар йили) вожиб бўлиб қоларди ва сизлар (бунга) қодир бўла олмасдингиз», дедилар. Сўнг (у зот): «Мен сизларни (ўз ҳолига) қўйган эканман, мени (савол бермай) қўйиб қўйинглар. Зеро, сизлардан олдингилар кўп савол берганлари ва пайғамбарларига (қарши) ихтилоф қилганлари сабабли ҳалок бўлганлар. Бас, агар мен сизларни бирор нарсага буюрсам, ундан қўлингиздан келганича бажаринглар, агар сизларни бирор нарсадан қайтарсам, уни тарк этинглар», дедилар.