حَدَّثَنِي عَمْرُو بْنُ مُحَمَّدِ بْنِ بُكَيْرٍ النَّاقِدُ، حَدَّثَنَا هَاشِمُ بْنُ الْقَاسِمِ أَبُو النَّضْرِ، حَدَّثَنَا سُلَيْمَانُ بْنُ الْمُغِيرَةِ، عَنْ ثَابِتٍ، عَنْ أَنَسِ بْنِ مَالِكٍ، قَالَ نُهِينَا أَنْ نَسْأَلَ، رَسُولَ اللَّهِ صلى الله عليه وسلم عَنْ شَىْءٍ فَكَانَ يُعْجِبُنَا أَنْ يَجِيءَ الرَّجُلُ مِنْ أَهْلِ الْبَادِيَةِ الْعَاقِلُ فَيَسْأَلَهُ وَنَحْنُ نَسْمَعُ فَجَاءَ رَجُلٌ مِنْ أَهْلِ الْبَادِيَةِ فَقَالَ يَا مُحَمَّدُ أَتَانَا رَسُولُكَ فَزَعَمَ لَنَا أَنَّكَ تَزْعُمُ أَنَّ اللَّهَ أَرْسَلَكَ قَالَ " صَدَقَ " . قَالَ فَمَنْ خَلَقَ السَّمَاءَ قَالَ " اللَّهُ " . قَالَ فَمَنْ خَلَقَ الأَرْضَ قَالَ " اللَّهُ " . قَالَ فَمَنْ نَصَبَ هَذِهِ الْجِبَالَ وَجَعَلَ فِيهَا مَا جَعَلَ . قَالَ " اللَّهُ " . قَالَ فَبِالَّذِي خَلَقَ السَّمَاءَ وَخَلَقَ الأَرْضَ وَنَصَبَ هَذِهِ الْجِبَالَ آللَّهُ أَرْسَلَكَ قَالَ " نَعَمْ " . قَالَ وَزَعَمَ رَسُولُكَ أَنَّ عَلَيْنَا خَمْسَ صَلَوَاتٍ فِي يَوْمِنَا وَلَيْلَتِنَا . قَالَ " صَدَقَ " . قَالَ فَبِالَّذِي أَرْسَلَكَ آللَّهُ أَمْرَكَ بِهَذَا قَالَ " نَعَمْ " . قَالَ وَزَعَمَ رَسُولُكَ أَنَّ عَلَيْنَا زَكَاةً فِي أَمْوَالِنَا . قَالَ " صَدَقَ " . قَالَ فَبِالَّذِي أَرْسَلَكَ آللَّهُ أَمْرَكَ بِهَذَا قَالَ " نَعَمْ " . قَالَ وَزَعَمَ رَسُولُكَ أَنَّ عَلَيْنَا صَوْمَ شَهْرِ رَمَضَانَ فِي سَنَتِنَا . قَالَ " صَدَقَ " . قَالَ فَبِالَّذِي أَرْسَلَكَ آللَّهُ أَمَرَكَ بِهَذَا قَالَ " نَعَمْ " . قَالَ وَزَعَمَ رَسُولُكَ أَنَّ عَلَيْنَا حَجَّ الْبَيْتِ مَنِ اسْتَطَاعَ إِلَيْهِ سَبِيلاً . قَالَ " صَدَقَ " . قَالَ ثُمَّ وَلَّى . قَالَ وَالَّذِي بَعَثَكَ بِالْحَقِّ لاَ أَزِيدُ عَلَيْهِنَّ وَلاَ أَنْقُصُ مِنْهُنَّ . فَقَالَ النَّبِيُّ صلى الله عليه وسلم " لَئِنْ صَدَقَ لَيَدْخُلَنَّ الْجَنَّةَ " .
Anas ibn Molik (roziyallohu anhu)dan rivoyat qilinadi: Biz Rasululloh ﷺ dan biror narsa soʻrashdan man qilingan edik. Shu sababli, badiya (choʻl) ahlidan boʻlgan aqlli bir kishi kelib, U Zotdan soʻrasa-yu, biz (uni) eshitib tursak, bu bizni xursand qilardi. Bir kuni badiya ahlidan bir kishi kelib: «Ey Muhammad, bizning oldimizga elching keldi-da, sen oʻzingni Alloh (paygʻambar qilib) yuborgan deb daʼvo qilayotganingni bizga aytdi», dedi. (Rasululloh): «(U) rost aytibdi», dedilar. (U): «Osmonni kim yaratgan?» dedi. (Rasululloh): «Alloh», dedilar. (U): «Yerni kim yaratgan?» dedi. (Rasululloh): «Alloh», dedilar. (U): «Bu togʻlarni kim oʻrnatgan va ularda nimaiki bor boʻlsa, kim (paydo) qilgan?» dedi. (Rasululloh): «Alloh», dedilar. (U): «Osmonni yaratgan, yerni yaratgan va bu togʻlarni oʻrnatgan Zotga (qasam) — seni (haqiqatan) Alloh yuborganmi?» dedi. (Rasululloh): «Ha», dedilar. (U): «Elching bizning kunimizu tunimizda besh (vaqt) namoz (vojibligini) daʼvo qildi», dedi. (Rasululloh): «(U) rost aytibdi», dedilar. (U): «Seni yuborgan Zotga (qasam) — senga buni Alloh buyurganmi?» dedi. (Rasululloh): «Ha», dedilar. (U): «Elching mollarimizda zakot (borligini) daʼvo qildi», dedi. (Rasululloh): «(U) rost aytibdi», dedilar. (U): «Seni yuborgan Zotga (qasam) — senga buni Alloh buyurganmi?» dedi. (Rasululloh): «Ha», dedilar. (U): «Elching yilimizda Ramazon oyining roʻzasi (vojibligini) daʼvo qildi», dedi. (Rasululloh): «(U) rost aytibdi», dedilar. (U): «Seni yuborgan Zotga (qasam) — senga buni Alloh buyurganmi?» dedi. (Rasululloh): «Ha», dedilar. (U): «Elching, (yetib borishga) yoʻl topa olgan kishiga Baytni haj qilish (vojibligini) daʼvo qildi», dedi. (Rasululloh): «(U) rost aytibdi», dedilar. (U) dedi: Soʻng (u kishi) orqasiga burildi-da: «Seni haq bilan yuborgan Zotga (qasamki), men bularga na qoʻshaman, na ulardan kamaytiraman», dedi. Shunda Paygʻambar ﷺ: «Agar rost (soʻzlagan) boʻlsa, albatta jannatga kiradi», dedilar.Анас ибн Молик (розияллоҳу анҳу)дан ривоят қилинади: Биз Расулуллоҳ ﷺ дан бирор нарса сўрашдан ман қилинган эдик. Шу сабабли, бадия (чўл) аҳлидан бўлган ақлли бир киши келиб, У Зотдан сўраса-ю, биз (уни) эшитиб турсак, бу бизни хурсанд қиларди. Бир куни бадия аҳлидан бир киши келиб: «Эй Муҳаммад, бизнинг олдимизга элчинг келди-да, сен ўзингни Аллоҳ (пайғамбар қилиб) юборган деб даъво қилаётганингни бизга айтди», деди. (Расулуллоҳ): «(У) рост айтибди», дедилар. (У): «Осмонни ким яратган?» деди. (Расулуллоҳ): «Аллоҳ», дедилар. (У): «Ерни ким яратган?» деди. (Расулуллоҳ): «Аллоҳ», дедилар. (У): «Бу тоғларни ким ўрнатган ва уларда нимаики бор бўлса, ким (пайдо) қилган?» деди. (Расулуллоҳ): «Аллоҳ», дедилар. (У): «Осмонни яратган, ерни яратган ва бу тоғларни ўрнатган Зотга (қасам) — сени (ҳақиқатан) Аллоҳ юборганми?» деди. (Расулуллоҳ): «Ҳа», дедилар. (У): «Элчинг бизнинг кунимизу тунимизда беш (вақт) намоз (вожиблигини) даъво қилди», деди. (Расулуллоҳ): «(У) рост айтибди», дедилар. (У): «Сени юборган Зотга (қасам) — сенга буни Аллоҳ буюрганми?» деди. (Расулуллоҳ): «Ҳа», дедилар. (У): «Элчинг молларимизда закот (борлигини) даъво қилди», деди. (Расулуллоҳ): «(У) рост айтибди», дедилар. (У): «Сени юборган Зотга (қасам) — сенга буни Аллоҳ буюрганми?» деди. (Расулуллоҳ): «Ҳа», дедилар. (У): «Элчинг йилимизда Рамазон ойининг рўзаси (вожиблигини) даъво қилди», деди. (Расулуллоҳ): «(У) рост айтибди», дедилар. (У): «Сени юборган Зотга (қасам) — сенга буни Аллоҳ буюрганми?» деди. (Расулуллоҳ): «Ҳа», дедилар. (У): «Элчинг, (етиб боришга) йўл топа олган кишига Байтни ҳаж қилиш (вожиблигини) даъво қилди», деди. (Расулуллоҳ): «(У) рост айтибди», дедилар. (У) деди: Сўнг (у киши) орқасига бурилди-да: «Сени ҳақ билан юборган Зотга (қасамки), мен буларга на қўшаман, на улардан камайтираман», деди. Шунда Пайғамбар ﷺ: «Агар рост (сўзлаган) бўлса, албатта жаннатга киради», дедилар.