Jobir ibn Abdulloh (roziyallohu anhumo)dan rivoyat qilinadi. U: «Men sizlarga Rasululloh ﷺ bizga hadis qilib aytgan (narsa)ni aytaman», dedi. (Jobir) dedi: Rasululloh ﷺ: «Men Hiroda bir oy mujovara (xilvatda muqim) boʻldim. Mujovaramni tugatib, (gʻordan) tushdim-da, vodiyning ichkarisiga (oʻrtasiga) kirdim. Shunda menga nido qilindi. Men oldimga, orqamga, oʻngimga va chapimga qaradim — biroq hech kimni koʻrmadim. Soʻng menga (yana) nido qilindi; men qaradim — hech kimni koʻrmadim. Soʻng menga (yana) nido qilindi; men boshimni koʻtarsam, u (Jibril) — alayhissalom — havoda, Arsh ustida (oʻtiribdi). Shunda meni qattiq titroq tutdi-da, men Xadijaning oldiga kelib: ‹Meni oʻranglar!› dedim. Bas, ular meni oʻradilar va ustimga suv quydilar. Shunda Alloh azza va jalla {Ey (koʻrpaga) oʻralib olgan (Paygʻambar)! Turib (odamlarni) ogohlantir; Rabbingni ulugʻla; kiyimlaringni poklagin} (oyatlarini) nozil qildi», dedilar.Жобир ибн Абдуллоҳ (розияллоҳу анҳумо)дан ривоят қилинади. У: «Мен сизларга Расулуллоҳ ﷺ бизга ҳадис қилиб айтган (нарса)ни айтаман», деди. (Жобир) деди: Расулуллоҳ ﷺ: «Мен Ҳирода бир ой мужовара (хилватда муқим) бўлдим. Мужоварамни тугатиб, (ғордан) тушдим-да, водийнинг ичкарисига (ўртасига) кирдим. Шунда менга нидо қилинди. Мен олдимга, орқамга, ўнгимга ва чапимга қарадим — бироқ ҳеч кимни кўрмадим. Сўнг менга (яна) нидо қилинди; мен қарадим — ҳеч кимни кўрмадим. Сўнг менга (яна) нидо қилинди; мен бошимни кўтарсам, у (Жибрил) — алайҳиссалом — ҳавода, Арш устида (ўтирибди). Шунда мени қаттиқ титроқ тутди-да, мен Хадижанинг олдига келиб: ‹Мени ўранглар!› дедим. Бас, улар мени ўрадилар ва устимга сув қуйдилар. Шунда Аллоҳ азза ва жалла {Эй (кўрпага) ўралиб олган (Пайғамбар)! Туриб (одамларни) огоҳлантир; Раббингни улуғла; кийимларингни поклагин} (оятларини) нозил қилди», дедилар.