حَدَّثَنِي أَبُو الطَّاهِرِ، أَخْبَرَنَا ابْنُ وَهْبٍ، أَخْبَرَنِي عَمْرُو بْنُ الْحَارِثِ، أَنَّ عَبْدَ الرَّحْمَنِ، بْنَ الْقَاسِمِ حَدَّثَهُ أَنَّ مُحَمَّدَ بْنَ جَعْفَرِ بْنِ الزُّبَيْرِ حَدَّثَهُ أَنَّ عَبَّادَ بْنَ عَبْدِ اللَّهِ بْنِ الزُّبَيْرِ حَدَّثَهُ أَنَّهُ، سَمِعَ عَائِشَةَ، زَوْجَ النَّبِيِّ صلى الله عليه وسلم تَقُولُ أَتَى رَجُلٌ إِلَى رَسُولِ اللَّهِ صلى الله عليه وسلم فِي الْمَسْجِدِ فِي رَمَضَانَ فَقَالَ يَا رَسُولَ اللَّهِ احْتَرَقْتُ احْتَرَقْتُ . فَسَأَلَهُ رَسُولُ اللَّهِ صلى الله عليه وسلم " مَا شَأْنُهُ " . فَقَالَ أَصَبْتُ أَهْلِي . قَالَ " تَصَدَّقْ " . فَقَالَ وَاللَّهِ يَا نَبِيَّ اللَّهِ مَا لِي شَىْءٌ وَمَا أَقْدِرُ عَلَيْهِ . قَالَ " اجْلِسْ " . فَجَلَسَ فَبَيْنَا هُوَ عَلَى ذَلِكَ أَقْبَلَ رَجُلٌ يَسُوقُ حِمَارًا عَلَيْهِ طَعَامٌ فَقَالَ رَسُولُ اللَّهِ صلى الله عليه وسلم " أَيْنَ الْمُحْتَرِقُ آنِفًا " . فَقَامَ الرَّجُلُ فَقَالَ رَسُولُ اللَّهِ صلى الله عليه وسلم " تَصَدَّقْ بِهَذَا " . فَقَالَ يَا رَسُولَ اللَّهِ أَغَيْرَنَا فَوَاللَّهِ إِنَّا لَجِيَاعٌ مَا لَنَا شَىْءٌ . قَالَ " فَكُلُوهُ " .
Oisha (roziyallohu anho)dan rivoyat qilinadi: bir kishi Ramazonda masjiddagi Rasululloh ﷺ ning oldilariga kelib: «Yo Rasululloh! Kuyib ketdim, kuyib ketdim!» dedi. Rasululloh ﷺ undan: «Bunga nima boʻldi?» deb soʻradilar. (U:) «Ahlimga yaqinlik qildim», dedi. (Rasululloh ﷺ:) «Sadaqa qil», dedilar. (U:) «Allohga qasamki, yo Nabiyalloh, mening hech narsam yoʻq va bunga qodir emasman», dedi. (Rasululloh ﷺ:) «Oʻtir», dedilar. U oʻtirdi. Shu holatda turganida, eshagini haydab kelayotgan bir kishi paydo boʻldi, ustida taom bor edi. Shunda Rasululloh ﷺ: «Hozirgina kuyib ketgan kishi qani?» dedilar. U kishi oʻrnidan turdi. Rasululloh ﷺ: «Buni sadaqa qil», dedilar. (U:) «Yo Rasululloh! Bizdan boshqasigami? Allohga qasamki, biz ochmiz, hech narsamiz yoʻq», dedi. (Rasululloh ﷺ:) «Unday boʻlsa, uni yenglar», dedilar.Оиша (розияллоҳу анҳо)дан ривоят қилинади: бир киши Рамазонда масжиддаги Расулуллоҳ ﷺ нинг олдиларига келиб: «Ё Расулуллоҳ! Куйиб кетдим, куйиб кетдим!» деди. Расулуллоҳ ﷺ ундан: «Бунга нима бўлди?» деб сўрадилар. (У:) «Аҳлимга яқинлик қилдим», деди. (Расулуллоҳ ﷺ:) «Садақа қил», дедилар. (У:) «Аллоҳга қасамки, ё Набияллоҳ, менинг ҳеч нарсам йўқ ва бунга қодир эмасман», деди. (Расулуллоҳ ﷺ:) «Ўтир», дедилар. У ўтирди. Шу ҳолатда турганида, эшагини ҳайдаб келаётган бир киши пайдо бўлди, устида таом бор эди. Шунда Расулуллоҳ ﷺ: «Ҳозиргина куйиб кетган киши қани?» дедилар. У киши ўрнидан турди. Расулуллоҳ ﷺ: «Буни садақа қил», дедилар. (У:) «Ё Расулуллоҳ! Биздан бошқасигами? Аллоҳга қасамки, биз очмиз, ҳеч нарсамиз йўқ», деди. (Расулуллоҳ ﷺ:) «Ундай бўлса, уни енглар», дедилар.