Abdulloh ibn Masʼud (roziyallohu anhu)dan rivoyat qilinadi: Hajjoj ibn Yusuf minbarda xutba qilib turib shunday deganini eshitdim: «Qurʼonni Jibril tartiblaganidek tartiblanglar: ichida baqara (sigir) zikr qilingan sura, ichida nisolar (ayollar) zikr qilingan sura va ichida Oli Imron zikr qilingan sura». Soʻng men Ibrohim bilan uchrashib, unga (Hajjojning) bu soʻzini aytdim. U (Hajjojni) soʻkdi va dedi: Menga Abdurahmon ibn Yazid hadis aytishicha, u Abdulloh ibn Masʼud bilan birga ekan, (Abdulloh) jamratul-Aqabaga keldi, vodiyning ichiga tushdi, unga roʻbaroʻ boʻldi va vodiyning ichidan (pastidan) unga yetti dona shagʻal tosh otdi, har bir tosh bilan birga takbir aytar edi. Men: «Ey Abu Abdurahmon, odamlar unga yuqori tomonidan tosh otadi-ku», dedim. U: «Undan oʻzga iloh boʻlmagan Zotga qasamki, mana shu — uning ustiga Baqara surasi nozil qilingan zotning turgan joyidir», dedi.Абдуллоҳ ибн Масъуд (розияллоҳу анҳу)дан ривоят қилинади: Ҳажжож ибн Юсуф минбарда хутба қилиб туриб шундай деганини эшитдим: «Қуръонни Жибрил тартиблаганидек тартибланглар: ичида бақара (сигир) зикр қилинган сура, ичида нисолар (аёллар) зикр қилинган сура ва ичида Оли Имрон зикр қилинган сура». Сўнг мен Иброҳим билан учрашиб, унга (Ҳажжожнинг) бу сўзини айтдим. У (Ҳажжожни) сўкди ва деди: Менга Абдураҳмон ибн Язид ҳадис айтишича, у Абдуллоҳ ибн Масъуд билан бирга экан, (Абдуллоҳ) жамратул-Ақабага келди, водийнинг ичига тушди, унга рўбарў бўлди ва водийнинг ичидан (пастидан) унга етти дона шағал тош отди, ҳар бир тош билан бирга такбир айтар эди. Мен: «Эй Абу Абдураҳмон, одамлар унга юқори томонидан тош отади-ку», дедим. У: «Ундан ўзга илоҳ бўлмаган Зотга қасамки, мана шу — унинг устига Бақара сураси нозил қилинган зотнинг турган жойидир», деди.