Ummu Husayn (roziyallohu anho)dan rivoyat qilinadi: Men Rasululloh ﷺ bilan birga Vidolashuv hajini qildim. U zotni Aqaba jamrasini toshboʻron qilib, ulovi ustida qaytayotganlarida koʻrdim. U zotning yonlarida Bilol va Usoma bor edi; ulardan biri u zotning ulovini yetaklab borar, ikkinchisi esa Rasululloh ﷺ ning boshlari uzra quyoshdan (himoya qilib) kiyimini koʻtarib turardi. (Ayol) dedi: Rasululloh ﷺ koʻp soʻzlar aytdilar, soʻng men u zotning shunday deyayotganlarini eshitdim: «Agar sizlarga aʼzosi kesilgan — gumonimcha, (ayol): qora tanli, dedi — bir qul Allohning Kitobiga koʻra rahbarlik qiladigan boʻlsa, unga quloq solinglar va itoat etinglar».Умму Ҳусайн (розияллоҳу анҳо)дан ривоят қилинади: Мен Расулуллоҳ ﷺ билан бирга Видолашув ҳажини қилдим. У зотни Ақаба жамрасини тошбўрон қилиб, улови устида қайтаётганларида кўрдим. У зотнинг ёнларида Билол ва Усома бор эди; улардан бири у зотнинг уловини етаклаб борар, иккинчиси эса Расулуллоҳ ﷺ нинг бошлари узра қуёшдан (ҳимоя қилиб) кийимини кўтариб турарди. (Аёл) деди: Расулуллоҳ ﷺ кўп сўзлар айтдилар, сўнг мен у зотнинг шундай деяётганларини эшитдим: «Агар сизларга аъзоси кесилган — гумонимча, (аёл): қора танли, деди — бир қул Аллоҳнинг Китобига кўра раҳбарлик қиладиган бўлса, унга қулоқ солинглар ва итоат этинглар».