Ummu Habiba bint Abu Sufyon (roziyallohu anho)dan rivoyat qilinadi: Rasululloh ﷺ huzurimga kirdilar. Men u zotga: «Singlim, Abu Sufyonning qiziga moyilligingiz bormi?» — dedim. U zot: «Nima qilay?» — dedilar. Men: «Uni nikohingizga olsangiz», — dedim. U zot: «Buni xohlaysanmi?» — dedilar. Men: «Men sizning yolgʻiz (xotiningiz) emasman, yaxshilikda menga sherik boʻladigan eng yaxshi (kishi) singlimdir», — dedim. U zot: «Albatta u menga halol emas», — dedilar. Men: «Menga aytishlaricha, siz Durra bint Abu Salamani xostgorlik qilmoqchi ekansiz», — dedim. U zot: «Ummu Salamaning qizinimi?» — dedilar. Men: «Ha», — dedim. U zot: «Agar u mening qaramogʻimda tarbiyalangan oʻgay qizim boʻlmaganda ham, menga halol boʻlmas edi, chunki u mening emikdosh akamning qizidir. Suvayba meni ham, uning otasini ham emizgan. Bas, menga qizlaringizni ham, singillaringizni ham taklif qilmanglar», — dedilar.Умму Ҳабиба бинт Абу Суфён (розияллоҳу анҳо)дан ривоят қилинади: Расулуллоҳ ﷺ ҳузуримга кирдилар. Мен у зотга: «Синглим, Абу Суфённинг қизига мойиллигингиз борми?» — дедим. У зот: «Нима қилай?» — дедилар. Мен: «Уни никоҳингизга олсангиз», — дедим. У зот: «Буни хоҳлайсанми?» — дедилар. Мен: «Мен сизнинг ёлғиз (хотинингиз) эмасман, яхшиликда менга шерик бўладиган энг яхши (киши) синглимдир», — дедим. У зот: «Албатта у менга ҳалол эмас», — дедилар. Мен: «Менга айтишларича, сиз Дурра бинт Абу Саламани хостгорлик қилмоқчи экансиз», — дедим. У зот: «Умму Саламанинг қизиними?» — дедилар. Мен: «Ҳа», — дедим. У зот: «Агар у менинг қарамоғимда тарбияланган ўгай қизим бўлмаганда ҳам, менга ҳалол бўлмас эди, чунки у менинг эмикдош акамнинг қизидир. Сувайба мени ҳам, унинг отасини ҳам эмизган. Бас, менга қизларингизни ҳам, сингилларингизни ҳам таклиф қилманглар», — дедилар.