Nabiy ﷺ ning ayollari Ummu Habiba (roziyallohu anho)dan rivoyat qilinadi: U Rasululloh ﷺ ga: «Yo Rasululloh, singlim Azzani nikohingizga oling», — dedi. Rasululloh ﷺ: «Buni xohlaysanmi?» — dedilar. U: «Ha, yo Rasululloh, men sizning yolgʻiz (xotiningiz) emasman, yaxshilikda menga sherik boʻladigan eng yaxshi (kishi) singlimdir», — dedi. Rasululloh ﷺ: «Albatta bu menga halol emas», — dedilar. U dedi: Men: «Yo Rasululloh, biz, siz Durra bint Abu Salamani nikohingizga olmoqchi ekansiz, deb gaplashardik», — dedim. U zot: «Abu Salamaning qizinimi?» — dedilar. U: «Ha», — dedi. Rasululloh ﷺ: «Agar u mening qaramogʻimda tarbiyalangan oʻgay qizim boʻlmaganda ham, menga halol boʻlmas edi, chunki u mening emikdosh akamning qizidir. Suvayba meni ham, Abu Salamani ham emizgan. Bas, menga qizlaringizni ham, singillaringizni ham taklif qilmanglar», — dedilar.Набий ﷺ нинг аёллари Умму Ҳабиба (розияллоҳу анҳо)дан ривоят қилинади: У Расулуллоҳ ﷺ га: «Ё Расулуллоҳ, синглим Аззани никоҳингизга олинг», — деди. Расулуллоҳ ﷺ: «Буни хоҳлайсанми?» — дедилар. У: «Ҳа, ё Расулуллоҳ, мен сизнинг ёлғиз (хотинингиз) эмасман, яхшиликда менга шерик бўладиган энг яхши (киши) синглимдир», — деди. Расулуллоҳ ﷺ: «Албатта бу менга ҳалол эмас», — дедилар. У деди: Мен: «Ё Расулуллоҳ, биз, сиз Дурра бинт Абу Саламани никоҳингизга олмоқчи экансиз, деб гаплашардик», — дедим. У зот: «Абу Саламанинг қизиними?» — дедилар. У: «Ҳа», — деди. Расулуллоҳ ﷺ: «Агар у менинг қарамоғимда тарбияланган ўгай қизим бўлмаганда ҳам, менга ҳалол бўлмас эди, чунки у менинг эмикдош акамнинг қизидир. Сувайба мени ҳам, Абу Саламани ҳам эмизган. Бас, менга қизларингизни ҳам, сингилларингизни ҳам таклиф қилманглар», — дедилар.