حَدَّثَنَا مُحَمَّدُ بْنُ الْمُثَنَّى الْعَنَزِيُّ، حَدَّثَنَا عَبْدُ الْوَهَّابِ، قَالَ سَمِعْتُ يَحْيَى بْنَ سَعِيدٍ، أَخْبَرَنِي سُلَيْمَانُ بْنُ يَسَارٍ، أَنَّ أَبَا سَلَمَةَ بْنَ عَبْدِ الرَّحْمَنِ، وَابْنَ، عَبَّاسٍ اجْتَمَعَا عِنْدَ أَبِي هُرَيْرَةَ وَهُمَا يَذْكُرَانِ الْمَرْأَةَ تُنْفَسُ بَعْدَ وَفَاةِ زَوْجِهَا بِلَيَالٍ . فَقَالَ ابْنُ عَبَّاسٍ عِدَّتُهَا آخِرُ الأَجَلَيْنِ . وَقَالَ أَبُو سَلَمَةَ قَدْ حَلَّتْ . فَجَعَلاَ يَتَنَازَعَانِ ذَلِكَ قَالَ فَقَالَ أَبُو هُرَيْرَةَ أَنَا مَعَ ابْنِ أَخِي - يَعْنِي أَبَا سَلَمَةَ - فَبَعَثُوا كُرَيْبًا - مَوْلَى ابْنِ عَبَّاسٍ - إِلَى أُمِّ سَلَمَةَ يَسْأَلُهَا عَنْ ذَلِكَ فَجَاءَهُمْ فَأَخْبَرَهُمْ أَنَّ أُمَّ سَلَمَةَ قَالَتْ إِنَّ سُبَيْعَةَ الأَسْلَمِيَّةَ نُفِسَتْ بَعْدَ وَفَاةِ زَوْجِهَا بِلَيَالٍ وَإِنَّهَا ذَكَرَتْ ذَلِكَ لِرَسُولِ اللَّهِ صلى الله عليه وسلم فَأَمَرَهَا أَنْ تَتَزَوَّجَ .
Umm Salama (roziyallohu anho)dan rivoyat qilinadi: Abu Salama ibn Abdurahmon va Ibn Abbos Abu Hurayraning huzurida bir joyga yigʻilishdi, ular eri vafot etganidan bir necha kun keyin tugʻruq koʻrgan ayol haqida soʻzlashar edilar. Ibn Abbos: «Uning iddasi ikki muddatning eng oxirgisidir (toʻrt oy oʻn kun bilan tugʻishning qaysisi keyin tugasa, oʻsha)», dedi. Abu Salama esa: «(Tugʻishi bilanoq) iddasi tugab boʻldi», dedi. Shu masalada ular bir-birlari bilan tortishib qolishdi. Abu Hurayra: «Men jiyanim — Abu Salama bilan birgaman», dedi. Soʻng ular Kuraybni — Ibn Abbosning ozod qilgan qulini — Umm Salamaning oldiga bu haqda soʻrash uchun yuborishdi. U ularning oldiga qaytib kelib, Umm Salama shunday deganini xabar berdi: «Subayʼa al-Aslamiyya eri vafot etganidan bir necha kun keyin tugʻruq koʻrdi, soʻng buni Rasululloh ﷺ ga aytdi. Shunda u zot unga turmushga chiqishni buyurdilar».Умм Салама (розияллоҳу анҳо)дан ривоят қилинади: Абу Салама ибн Абдураҳмон ва Ибн Аббос Абу Ҳурайранинг ҳузурида бир жойга йиғилишди, улар эри вафот этганидан бир неча кун кейин туғруқ кўрган аёл ҳақида сўзлашар эдилар. Ибн Аббос: «Унинг иддаси икки муддатнинг энг охиргисидир (тўрт ой ўн кун билан туғишнинг қайсиси кейин тугаса, ўша)», деди. Абу Салама эса: «(Туғиши биланоқ) иддаси тугаб бўлди», деди. Шу масалада улар бир-бирлари билан тортишиб қолишди. Абу Ҳурайра: «Мен жияним — Абу Салама билан биргаман», деди. Сўнг улар Курайбни — Ибн Аббоснинг озод қилган қулини — Умм Саламанинг олдига бу ҳақда сўраш учун юборишди. У уларнинг олдига қайтиб келиб, Умм Салама шундай деганини хабар берди: «Субайъа ал-Асламийя эри вафот этганидан бир неча кун кейин туғруқ кўрди, сўнг буни Расулуллоҳ ﷺ га айтди. Шунда у зот унга турмушга чиқишни буюрдилар».