Jobir ibn Abdulloh (roziyallohu anhumo)dan rivoyat qilinadi: u Fath yili Makkada turib, Rasululloh ﷺ ning shunday deganlarini eshitibdi: «Albatta, Alloh va Uning Rasuli xamr, oʻlimtik (oʻlaksa), choʻchqa va butlarni sotishni harom qildi». Shunda: «Yo Rasululloh! Oʻlimtikning yogʻi-chi? Axir u bilan kemalar moylanadi, terilar moylanadi va odamlar undan chiroq yoqishda foydalanadi-ku?» deyildi. U zot: «Yoʻq, u haromdir», dedilar. Soʻng Rasululloh ﷺ oʻsha payt: «Alloh yahudiylarni halok qilsin! Alloh azza va jalla ularga (oʻlimtikning) yogʻini harom qilganida, ular uni eritib, soʻng sotdilar va uning pulini yedilar», dedilar.Жобир ибн Абдуллоҳ (розияллоҳу анҳумо)дан ривоят қилинади: у Фатҳ йили Маккада туриб, Расулуллоҳ ﷺ нинг шундай деганларини эшитибди: «Албатта, Аллоҳ ва Унинг Расули хамр, ўлимтик (ўлакса), чўчқа ва бутларни сотишни ҳаром қилди». Шунда: «Ё Расулуллоҳ! Ўлимтикнинг ёғи-чи? Ахир у билан кемалар мойланади, терилар мойланади ва одамлар ундан чироқ ёқишда фойдаланади-ку?» дейилди. У зот: «Йўқ, у ҳаромдир», дедилар. Сўнг Расулуллоҳ ﷺ ўша пайт: «Аллоҳ яҳудийларни ҳалок қилсин! Аллоҳ азза ва жалла уларга (ўлимтикнинг) ёғини ҳаром қилганида, улар уни эритиб, сўнг сотдилар ва унинг пулини едилар», дедилар.