Abu Hurayra (roziyallohu anhu)dan rivoyat qilinadi: Musulmonlardan bir kishi Rasululloh ﷺ huzuriga keldi, u zot masjidda edilar. (U) u zotni chaqirib: «Yo Rasululloh! Men zino qildim», — dedi. U zot undan yuz oʻgirdilar. Shunda (u) u zotning yuzlari roʻparasiga oʻtib: «Yo Rasululloh! Men zino qildim», — dedi. U zot yana undan yuz oʻgirdilar. Toki (u) buni oʻziga qarshi toʻrt marta takrorladi. U oʻz nafsiga qarshi toʻrt marta guvohlik bergach, Rasululloh ﷺ uni chaqirib: «Senda jinnilik bormi?» — dedilar. (U:) «Yoʻq», — dedi. (U zot:) «Sen turmush qurganmisan?» — dedilar. (U:) «Ha», — dedi. Shunda Rasululloh ﷺ: «Uni olib boringlar va toshboʻron qilinglar», — dedilar.Абу Ҳурайра (розияллоҳу анҳу)дан ривоят қилинади: Мусулмонлардан бир киши Расулуллоҳ ﷺ ҳузурига келди, у зот масжидда эдилар. (У) у зотни чақириб: «Ё Расулуллоҳ! Мен зино қилдим», — деди. У зот ундан юз ўгирдилар. Шунда (у) у зотнинг юзлари рўпарасига ўтиб: «Ё Расулуллоҳ! Мен зино қилдим», — деди. У зот яна ундан юз ўгирдилар. Токи (у) буни ўзига қарши тўрт марта такрорлади. У ўз нафсига қарши тўрт марта гувоҳлик бергач, Расулуллоҳ ﷺ уни чақириб: «Сенда жиннилик борми?» — дедилар. (У:) «Йўқ», — деди. (У зот:) «Сен турмуш қурганмисан?» — дедилар. (У:) «Ҳа», — деди. Шунда Расулуллоҳ ﷺ: «Уни олиб боринглар ва тошбўрон қилинглар», — дедилар.