حَدَّثَنَا قُتَيْبَةُ بْنُ سَعِيدٍ، حَدَّثَنَا لَيْثٌ، ح وَحَدَّثَنَاهُ مُحَمَّدُ بْنُ رُمْحٍ، أَخْبَرَنَا اللَّيْثُ، عَنِ ابْنِ شِهَابٍ، عَنْ عُبَيْدِ اللَّهِ بْنِ عَبْدِ اللَّهِ بْنِ عُتْبَةَ بْنِ مَسْعُودٍ، عَنْ أَبِي هُرَيْرَةَ، وَزَيْدِ بْنِ خَالِدٍ، الْجُهَنِيِّ أَنَّهُمَا قَالاَ إِنَّ رَجُلاً مِنَ الأَعْرَابِ أَتَى رَسُولَ اللَّهِ صلى الله عليه وسلم فَقَالَ يَا رَسُولَ اللَّهِ أَنْشُدُكَ اللَّهَ إِلاَّ قَضَيْتَ لِي بِكِتَابِ اللَّهِ . فَقَالَ الْخَصْمُ الآخَرُ وَهُوَ أَفْقَهُ مِنْهُ نَعَمْ فَاقْضِ بَيْنَنَا بِكِتَابِ اللَّهِ وَائْذَنْ لِي . فَقَالَ رَسُولُ اللَّهِ صلى الله عليه وسلم " قُلْ " . قَالَ إِنَّ ابْنِي كَانَ عَسِيفًا عَلَى هَذَا فَزَنَى بِامْرَأَتِهِ وَإِنِّي أُخْبِرْتُ أَنَّ عَلَى ابْنِي الرَّجْمَ فَافْتَدَيْتُ مِنْهُ بِمِائَةِ شَاةٍ وَوَلِيدَةٍ فَسَأَلْتُ أَهْلَ الْعِلْمِ فَأَخْبَرُونِي أَنَّمَا عَلَى ابْنِي جَلْدُ مِائَةٍ وَتَغْرِيبُ عَامٍ وَأَنَّ عَلَى امْرَأَةِ هَذَا الرَّجْمَ . فَقَالَ رَسُولُ اللَّهِ صلى الله عليه وسلم " وَالَّذِي نَفْسِي بِيَدِهِ لأَقْضِيَنَّ بَيْنَكُمَا بِكِتَابِ اللَّهِ الْوَلِيدَةُ وَالْغَنَمُ رَدٌّ وَعَلَى ابْنِكَ جَلْدُ مِائَةٍ وَتَغْرِيبُ عَامٍ وَاغْدُ يَا أُنَيْسُ إِلَى امْرَأَةِ هَذَا فَإِنِ اعْتَرَفَتْ فَارْجُمْهَا " . قَالَ فَغَدَا عَلَيْهَا فَاعْتَرَفَتْ فَأَمَرَ بِهَا رَسُولُ اللَّهِ صلى الله عليه وسلم فَرُجِمَتْ .
Abu Hurayra (roziyallohu anhu)dan rivoyat qilinadi. U (shunday) dedi: badaviy arablardan bir kishi Rasululloh ﷺ huzuriga kelib: «Yo Rasululloh, men sizdan Alloh nomi bilan soʻrayman, men uchun Allohning Kitobiga (binoan) hukm qiling», — dedi. Boshqa daʼvogar — u undan koʻra fiqhliroq edi — turib: «Ha, oramizda Allohning Kitobiga (binoan) hukm qiling va menga (gapirishga) ruxsat bering», — dedi. Rasululloh ﷺ: «Ayt», — dedilar. U: «Mening oʻgʻlim mana bu kishining oldida yollanma ishchi edi, u (kishining) xotini bilan zino qildi, menga oʻgʻlimga toshboʻron (jazosi) bor deb xabar qilindi. Men u (jazo)dan qutqarish uchun yuzta qoʻy va bir choʻri (fidya) toʻladim. Soʻng ilm ahlidan soʻrasam, ular menga oʻgʻlimga yuz darra va bir yil surgun, mana bu (kishining) xotiniga esa toshboʻron borligini xabar qilishdi», — dedi. Shunda Rasululloh ﷺ: «Jonim qoʻlida boʻlgan Zot bilan qasamki, men ikkovingiz orasida albatta Allohning Kitobiga (binoan) hukm qilaman: choʻri va qoʻylar qaytariladi, oʻgʻlingga yuz darra va bir yil surgun (bor). Ey Unays, mana bu (kishining) xotini oldiga ertalab bor, agar u iqror boʻlsa, uni toshboʻron qil», — dedilar. (Rovi) dedi: U ertalab uning oldiga bordi, u iqror boʻldi. Shunda Rasululloh ﷺ u haqida buyruq berdilar va u toshboʻron qilindi.Абу Ҳурайра (розияллоҳу анҳу)дан ривоят қилинади. У (шундай) деди: бадавий араблардан бир киши Расулуллоҳ ﷺ ҳузурига келиб: «Ё Расулуллоҳ, мен сиздан Аллоҳ номи билан сўрайман, мен учун Аллоҳнинг Китобига (биноан) ҳукм қилинг», — деди. Бошқа даъвогар — у ундан кўра фиқҳлироқ эди — туриб: «Ҳа, орамизда Аллоҳнинг Китобига (биноан) ҳукм қилинг ва менга (гапиришга) рухсат беринг», — деди. Расулуллоҳ ﷺ: «Айт», — дедилар. У: «Менинг ўғлим мана бу кишининг олдида ёлланма ишчи эди, у (кишининг) хотини билан зино қилди, менга ўғлимга тошбўрон (жазоси) бор деб хабар қилинди. Мен у (жазо)дан қутқариш учун юзта қўй ва бир чўри (фидя) тўладим. Сўнг илм аҳлидан сўрасам, улар менга ўғлимга юз дарра ва бир йил сургун, мана бу (кишининг) хотинига эса тошбўрон борлигини хабар қилишди», — деди. Шунда Расулуллоҳ ﷺ: «Жоним қўлида бўлган Зот билан қасамки, мен икковингиз орасида албатта Аллоҳнинг Китобига (биноан) ҳукм қиламан: чўри ва қўйлар қайтарилади, ўғлингга юз дарра ва бир йил сургун (бор). Эй Унайс, мана бу (кишининг) хотини олдига эрталаб бор, агар у иқрор бўлса, уни тошбўрон қил», — дедилар. (Рови) деди: У эрталаб унинг олдига борди, у иқрор бўлди. Шунда Расулуллоҳ ﷺ у ҳақида буйруқ бердилар ва у тошбўрон қилинди.