Baroʼ ibn Ozib (roziyallohu anhumo)dan rivoyat qilinadi: Rasululloh ﷺ Makkadan Madinaga (hijrat qilib) kelayotgan paytlarida, Suroqa ibn Molik ibn Juʼshum u zotni taʼqib qildi. Shunda Rasululloh ﷺ uning ziyoniga (qarshi) duo qildilar, bas, uning oti (yerga) botib qoldi. Shunda (Suroqa): «Men uchun Allohga duo qil, men senga zarar yetkazmayman», dedi. Bas, (Rasululloh ﷺ) Allohga duo qildilar. Soʻng Rasululloh ﷺ chanqab qoldilar, shunda ular bir qoʻy choʻponining yonidan oʻtdilar. Abu Bakr as-Siddiq dedi: Men bir piyolani olib, Rasululloh ﷺ uchun unga bir oz sut sogʻib oldim, soʻng uni u zotga keltirdim, bas, u zot men rozi boʻlgunimcha (qoniqarli) ichdilar.Барў ибн Озиб (розияллоҳу анҳумо)дан ривоят қилинади: Расулуллоҳ ﷺ Маккадан Мадинага (ҳижрат қилиб) келаётган пайтларида, Суроқа ибн Молик ибн Жуъшум у зотни таъқиб қилди. Шунда Расулуллоҳ ﷺ унинг зиёнига (қарши) дуо қилдилар, бас, унинг оти (ерга) ботиб қолди. Шунда (Суроқа): «Мен учун Аллоҳга дуо қил, мен сенга зарар етказмайман», деди. Бас, (Расулуллоҳ ﷺ) Аллоҳга дуо қилдилар. Сўнг Расулуллоҳ ﷺ чанқаб қолдилар, шунда улар бир қўй чўпонининг ёнидан ўтдилар. Абу Бакр ас-Сиддиқ деди: Мен бир пиёлани олиб, Расулуллоҳ ﷺ учун унга бир оз сут соғиб олдим, сўнг уни у зотга келтирдим, бас, у зот мен рози бўлгунимча (қониқарли) ичдилар.