Jobir ibn Abdulloh (roziyallohu anhu)dan rivoyat qilinadi: Bizdan bir kishining oʻgʻil farzandi tugʻildi va u unga Muhammad deb ot qoʻydi. Shunda qavmi unga: «Rasululloh ﷺ ning ismi bilan ot qoʻyishingga yoʻl qoʻymaymiz», dedi. U oʻgʻlini orqasiga koʻtarib olib yoʻlga tushdi va uni Nabiy ﷺ huzuriga olib keldi, soʻng: «Yo Rasululloh! Mening oʻgʻil farzandim tugʻildi va men unga Muhammad deb ot qoʻydim. Qavmim esa menga: ‹Rasululloh ﷺ ning ismi bilan ot qoʻyishingga yoʻl qoʻymaymiz›, dedi», dedi. Rasululloh ﷺ: «Mening ismim bilan ot qoʻyinglar, lekin mening kunyam bilan kunya olmanglar. Chunki men Qosimman, oranglarda (oʻljani) taqsimlayman», dedilar.Жобир ибн Абдуллоҳ (розияллоҳу анҳу)дан ривоят қилинади: Биздан бир кишининг ўғил фарзанди туғилди ва у унга Муҳаммад деб от қўйди. Шунда қавми унга: «Расулуллоҳ ﷺ нинг исми билан от қўйишингга йўл қўймаймиз», деди. У ўғлини орқасига кўтариб олиб йўлга тушди ва уни Набий ﷺ ҳузурига олиб келди, сўнг: «Ё Расулуллоҳ! Менинг ўғил фарзандим туғилди ва мен унга Муҳаммад деб от қўйдим. Қавмим эса менга: ‹Расулуллоҳ ﷺ нинг исми билан от қўйишингга йўл қўймаймиз›, деди», деди. Расулуллоҳ ﷺ: «Менинг исмим билан от қўйинглар, лекин менинг куням билан куня олманглар. Чунки мен Қосимман, орангларда (ўлжани) тақсимлайман», дедилар.