Jobir ibn Abdulloh (roziyallohu anhu)dan rivoyat qilinadi: u bizning oilamizga keldi, bir kishi esa oʻzidagi yara yoki jarohatdan shikoyat qilayotgan edi. (Jobir): «Nimadan shikoyat qilyapsan?» dedi. U: «Menda bir yara bor, juda azob beryapti», dedi. Shunda (Jobir): «Ey bola, menga qon oluvchi (hajjom) olib kel», dedi. (Kasal kishi) unga: «Hajjomni nima qilasan, ey Abu Abdulloh?» dedi. (Jobir): «Unga (yaraga) bir banka (hajjom asbobi) qoʻymoqchiman», dedi. (U): «Vallohi, menga pashsha qoʻnsa yoki kiyim tegsa ham menga ozor berib, azob beradi», dedi. (Jobir) uning bundan zerikkanini koʻrgach: «Men Rasululloh ﷺ ‹Agar davolaringizdan birortasida yaxshilik boʻlsa, banka qoʻyib qon olishda, yo bir hoʻplam asalda, yoki olov bilan kuydirishda bordir› deganlarini eshitganman», dedi. Rasululloh ﷺ: «Lekin men oʻzimni kuydirishni xush koʻrmayman», degan edilar. Soʻng u qon oluvchini olib keldi va unga banka qoʻyib qon oldi. Shunda undagi (ogʻriq) ketdi.Жобир ибн Абдуллоҳ (розияллоҳу анҳу)дан ривоят қилинади: у бизнинг оиламизга келди, бир киши эса ўзидаги яра ёки жароҳатдан шикоят қилаётган эди. (Жобир): «Нимадан шикоят қиляпсан?» деди. У: «Менда бир яра бор, жуда азоб беряпти», деди. Шунда (Жобир): «Эй бола, менга қон олувчи (ҳажжом) олиб кел», деди. (Касал киши) унга: «Ҳажжомни нима қиласан, эй Абу Абдуллоҳ?» деди. (Жобир): «Унга (ярага) бир банка (ҳажжом асбоби) қўймоқчиман», деди. (У): «Валлоҳи, менга пашша қўнса ёки кийим тегса ҳам менга озор бериб, азоб беради», деди. (Жобир) унинг бундан зерикканини кўргач: «Мен Расулуллоҳ ﷺ ‹Агар даволарингиздан бирортасида яхшилик бўлса, банка қўйиб қон олишда, ё бир ҳўплам асалда, ёки олов билан куйдиришда бордир› деганларини эшитганман», деди. Расулуллоҳ ﷺ: «Лекин мен ўзимни куйдиришни хуш кўрмайман», деган эдилар. Сўнг у қон олувчини олиб келди ва унга банка қўйиб қон олди. Шунда ундаги (оғриқ) кетди.