حَدَّثَنَا عَلِيُّ بْنُ حُجْرٍ السَّعْدِيُّ، حَدَّثَنَا عَلِيُّ بْنُ مُسْهِرٍ، أَخْبَرَنَا الْمُخْتَارُ بْنُ فُلْفُلٍ، عَنْ أَنَسِ بْنِ مَالِكٍ، ح وَحَدَّثَنَا أَبُو بَكْرِ بْنُ أَبِي شَيْبَةَ، - وَاللَّفْظُ لَهُ - حَدَّثَنَا عَلِيُّ بْنُ مُسْهِرٍ، عَنِ الْمُخْتَارِ، عَنْ أَنَسٍ، قَالَ بَيْنَا رَسُولُ اللَّهِ صلى الله عليه وسلم ذَاتَ يَوْمٍ بَيْنَ أَظْهُرِنَا إِذْ أَغْفَى إِغْفَاءَةً ثُمَّ رَفَعَ رَأْسَهُ مُتَبَسِّمًا فَقُلْنَا مَا أَضْحَكَكَ يَا رَسُولَ اللَّهِ قَالَ " أُنْزِلَتْ عَلَىَّ آنِفًا سُورَةٌ " . فَقَرَأَ " بِسْمِ اللَّهِ الرَّحْمَنِ الرَّحِيمِ { إِنَّا أَعْطَيْنَاكَ الْكَوْثَرَ * فَصَلِّ لِرَبِّكَ وَانْحَرْ * إِنَّ شَانِئَكَ هُوَ الأَبْتَرُ} " . ثُمَّ قَالَ " أَتَدْرُونَ مَا الْكَوْثَرُ " . فَقُلْنَا اللَّهُ وَرَسُولُهُ أَعْلَمُ . قَالَ " فَإِنَّهُ نَهْرٌ وَعَدَنِيهِ رَبِّي عَزَّ وَجَلَّ عَلَيْهِ خَيْرٌ كَثِيرٌ هُوَ حَوْضٌ تَرِدُ عَلَيْهِ أُمَّتِي يَوْمَ الْقِيَامَةِ آنِيَتُهُ عَدَدُ النُّجُومِ فَيُخْتَلَجُ الْعَبْدُ مِنْهُمْ فَأَقُولُ رَبِّ إِنَّهُ مِنْ أُمَّتِي . فَيَقُولُ مَا تَدْرِي مَا أَحْدَثَتْ بَعْدَكَ " . زَادَ ابْنُ حُجْرٍ فِي حَدِيثِهِ بَيْنَ أَظْهُرِنَا فِي الْمَسْجِدِ . وَقَالَ " مَا أَحْدَثَ بَعْدَكَ " .
Anas ibn Molik (roziyallohu anhu)dan rivoyat qilinadi: Bir kuni Rasululloh ﷺ bizning oramizda (oʻtirgan) edilar, birdan biroz mudrab ketdilar, soʻng boshlarini koʻtarib tabassum qildilar. Biz: «Sizni nima kuldirdi, yo Rasululloh?» dedik. (U zot): «Hozirgina menga bir sura nozil qilindi», dedilar va: «Bismillahir-Rohmanir-Rohiym. {Albatta, Biz senga Kavsarni berdik. Bas, Robbing uchun namoz oʻqi va qurbonlik soʻy. Albatta, sening dushmaning — oʻzi (nasli) kesilgandir} (Kavsar 1-3)», deb oʻqidilar. Soʻng: «Kavsar nimaligini bilasizmi?» dedilar. Biz: «Alloh va Uning Rasuli yaxshiroq biluvchidir», dedik. (U zot): «U Robbim azza va jalla menga vaʼda qilgan bir daryodir, unda koʻp yaxshilik bordir. U bir havzdir, ummatim Qiyomat kuni unga (suv ichgani) keladi, uning idishlari yulduzlar sonichalik (koʻp)dir. Ulardan bir banda (yonimdan) tortib olinadi, men: ‹Robbim, u mening ummatimdandir›, deyman. Shunda U: ‹Sen undan keyin u nima (bidʼat) paydo qilganini bilmaysan›, deydi», dedilar. Ibn Hujr oʻz hadisida «bizning oramizda» (deyilgan joyga) «masjidda» (soʻzini) qoʻshdi va: «Sendan keyin u nima paydo qildi» dedi.Анас ибн Молик (розияллоҳу анҳу)дан ривоят қилинади: Бир куни Расулуллоҳ ﷺ бизнинг орамизда (ўтирган) эдилар, бирдан бироз мудраб кетдилар, сўнг бошларини кўтариб табассум қилдилар. Биз: «Сизни нима кулдирди, ё Расулуллоҳ?» дедик. (У зот): «Ҳозиргина менга бир сура нозил қилинди», дедилар ва: «Бисмиллаҳир-Роҳманир-Роҳийм. {Албатта, Биз сенга Кавсарни бердик. Бас, Роббинг учун намоз ўқи ва қурбонлик сўй. Албатта, сенинг душманинг — ўзи (насли) кесилгандир} (Кавсар 1-3)», деб ўқидилар. Сўнг: «Кавсар нималигини биласизми?» дедилар. Биз: «Аллоҳ ва Унинг Расули яхшироқ билувчидир», дедик. (У зот): «У Роббим азза ва жалла менга ваъда қилган бир дарёдир, унда кўп яхшилик бордир. У бир ҳавздир, умматим Қиёмат куни унга (сув ичгани) келади, унинг идишлари юлдузлар соничалик (кўп)дир. Улардан бир банда (ёнимдан) тортиб олинади, мен: ‹Роббим, у менинг умматимдандир›, дейман. Шунда У: ‹Сен ундан кейин у нима (бидъат) пайдо қилганини билмайсан›, дейди», дедилар. Ибн Ҳужр ўз ҳадисида «бизнинг орамизда» (дейилган жойга) «масжидда» (сўзини) қўшди ва: «Сендан кейин у нима пайдо қилди» деди.