Nabiy ﷺ ning zavjalari Ummu Salama (roziyallohu anho)dan rivoyat qilinadi: men odamlarning Havzni zikr qilayotganlarini eshitardim, lekin buni Rasululloh ﷺ dan eshitmagandim. Bir kuni joriya sochimni tarayotgan edi, men Rasululloh ﷺ ning: «Ey odamlar!» deganlarini eshitdim. Men joriyaga: «Mendan nari boʻl», dedim. U: «U zot faqat erkaklarni chaqirdilar, ayollarni chaqirgani yoʻq», dedi. Men: «Men ham odamlardanman», dedim. Shunda Rasululloh ﷺ: «Albatta men sizlar uchun Havz boshida (yetib boruvchi) peshqadam boʻlaman. Bas, ehtiyot boʻlinglar, sizlardan biringiz (oldimga) kelmasin-u, soʻng adashgan tuya quvilganidek mendan quvilmasin! Shunda men: ‹Bu nima uchun?› deyman. Shunda: ‹Sen ularning sendan keyin nima (bidʼat) paydo qilganini bilmaysan›, deyiladi. Shunda men: ‹Yiroq boʻlsin (halokat boʻlsin)!› deyman», dedilar.Набий ﷺ нинг завжалари Умму Салама (розияллоҳу анҳо)дан ривоят қилинади: мен одамларнинг Ҳавзни зикр қилаётганларини эшитардим, лекин буни Расулуллоҳ ﷺ дан эшитмагандим. Бир куни жория сочимни тараётган эди, мен Расулуллоҳ ﷺ нинг: «Эй одамлар!» деганларини эшитдим. Мен жорияга: «Мендан нари бўл», дедим. У: «У зот фақат эркакларни чақирдилар, аёлларни чақиргани йўқ», деди. Мен: «Мен ҳам одамларданман», дедим. Шунда Расулуллоҳ ﷺ: «Албатта мен сизлар учун Ҳавз бошида (етиб борувчи) пешқадам бўламан. Бас, эҳтиёт бўлинглар, сизлардан бирингиз (олдимга) келмасин-у, сўнг адашган туя қувилганидек мендан қувилмасин! Шунда мен: ‹Бу нима учун?› дейман. Шунда: ‹Сен уларнинг сендан кейин нима (бидъат) пайдо қилганини билмайсан›, дейилади. Шунда мен: ‹Йироқ бўлсин (ҳалокат бўлсин)!› дейман», дедилар.