حَدَّثَنَا يُوسُفُ بْنُ حَمَّادٍ الْمَعْنِيُّ، حَدَّثَنَا عَبْدُ الأَعْلَى، عَنْ سَعِيدٍ، عَنْ قَتَادَةَ، عَنْ أَنَسِ بْنِ مَالِكٍ، أَنَّ النَّاسَ، سَأَلُوا نَبِيَّ اللَّهِ صلى الله عليه وسلم حَتَّى أَحْفَوْهُ بِالْمَسْأَلَةِ فَخَرَجَ ذَاتَ يَوْمٍ فَصَعِدَ الْمِنْبَرَ فَقَالَ " سَلُونِي لاَ تَسْأَلُونِي عَنْ شَىْءٍ إِلاَّ بَيَّنْتُهُ لَكُمْ " . فَلَمَّا سَمِعَ ذَلِكَ الْقَوْمُ أَرَمُّوا وَرَهِبُوا أَنْ يَكُونَ بَيْنَ يَدَىْ أَمْرٍ قَدْ حَضَرَ . قَالَ أَنَسٌ فَجَعَلْتُ أَلْتَفِتُ يَمِينًا وَشِمَالاً فَإِذَا كُلُّ رَجُلٍ لاَفٌّ رَأْسَهُ فِي ثَوْبِهِ يَبْكِي فَأَنْشَأَ رَجُلٌ مِنَ الْمَسْجِدِ كَانَ يُلاَحَى فَيُدْعَى لِغَيْرِ أَبِيهِ فَقَالَ يَا نَبِيَّ اللَّهِ مَنْ أَبِي قَالَ " أَبُوكَ حُذَافَةُ " . ثُمَّ أَنْشَأَ عُمَرُ بْنُ الْخَطَّابِ رضى الله عنه فَقَالَ رَضِينَا بِاللَّهِ رَبًّا وَبِالإِسْلاَمِ دِينًا وَبِمُحَمَّدٍ رَسُولاً عَائِذًا بِاللَّهِ مِنْ سُوءِ الْفِتَنِ . فَقَالَ رَسُولُ اللَّهِ صلى الله عليه وسلم " لَمْ أَرَ كَالْيَوْمِ قَطُّ فِي الْخَيْرِ وَالشَّرِّ إِنِّي صُوِّرَتْ لِيَ الْجَنَّةُ وَالنَّارُ فَرَأَيْتُهُمَا دُونَ هَذَا الْحَائِطِ " .
Anas ibn Molik (roziyallohu anhu)dan rivoyat qilinadi: Odamlar Allohning Nabiysi ﷺ dan shu qadar koʻp soʻradilarki, hatto savol bilan u zotni qiynab qoʻydilar. Shunda u zot bir kuni chiqib, minbarga koʻtarilib: «Mendan soʻranglar! Mendan nimani soʻrasangiz, albatta uni sizlarga bayon qilib beraman», — dedilar. Qavm buni eshitganda jim qotib qoldilar va (yaqin) kelib qolgan biror (ofat) ishning oldida turishlaridan qoʻrqdilar. Anas dedi: Men oʻngga va chapga qaray boshladim, har bir kishi boshini koʻylagiga oʻrab yigʻlab oʻtirar edi. Shunda masjiddagi bir kishi — u (otasi haqida) janjallashilib, otasidan boshqaga nisbat berilar edi — gap boshlab: «Yo Allohning Nabiysi! Mening otam kim?» dedi. (U zot): «Otang Huzofa», — dedilar. Soʻng Umar ibn al-Xattob gap boshlab: «Biz Allohni Robb deb, Islomni din deb, Muhammadni Rasul deb (tan olib) rozi boʻldik. Fitnalarning yomonligidan Allohdan panoh tilayman», dedi. Shunda Rasululloh ﷺ: «Men yaxshilik va yomonlikni hech qachon bugungidek (aniq) koʻrmaganman. Menga jannat va doʻzax tasvirlangan (koʻrsatilgan) edi, men ularning ikkovini mana shu devorning narigi tomonida koʻrdim», — dedilar.Анас ибн Молик (розияллоҳу анҳу)дан ривоят қилинади: Одамлар Аллоҳнинг Набийси ﷺ дан шу қадар кўп сўрадиларки, ҳатто савол билан у зотни қийнаб қўйдилар. Шунда у зот бир куни чиқиб, минбарга кўтарилиб: «Мендан сўранглар! Мендан нимани сўрасангиз, албатта уни сизларга баён қилиб бераман», — дедилар. Қавм буни эшитганда жим қотиб қолдилар ва (яқин) келиб қолган бирор (офат) ишнинг олдида туришларидан қўрқдилар. Анас деди: Мен ўнгга ва чапга қарай бошладим, ҳар бир киши бошини кўйлагига ўраб йиғлаб ўтирар эди. Шунда масжиддаги бир киши — у (отаси ҳақида) жанжаллашилиб, отасидан бошқага нисбат берилар эди — гап бошлаб: «Ё Аллоҳнинг Набийси! Менинг отам ким?» деди. (У зот): «Отанг Ҳузофа», — дедилар. Сўнг Умар ибн ал-Хаттоб гап бошлаб: «Биз Аллоҳни Робб деб, Исломни дин деб, Муҳаммадни Расул деб (тан олиб) рози бўлдик. Фитналарнинг ёмонлигидан Аллоҳдан паноҳ тилайман», деди. Шунда Расулуллоҳ ﷺ: «Мен яхшилик ва ёмонликни ҳеч қачон бугунгидек (аниқ) кўрмаганман. Менга жаннат ва дўзах тасвирланган (кўрсатилган) эди, мен уларнинг икковини мана шу деворнинг нариги томонида кўрдим», — дедилар.