حَدَّثَنَا أَبُو بَكْرِ بْنُ أَبِي شَيْبَةَ، وَحَدَّثَنَا عَبْدُ اللَّهِ بْنُ نُمَيْرٍ، عَنْ زَكَرِيَّاءَ، ح وَحَدَّثَنَا ابْنُ نُمَيْرٍ، حَدَّثَنَا أَبِي، حَدَّثَنَا زَكَرِيَّاءُ، عَنْ فِرَاسٍ، عَنْ عَامِرٍ، عَنْ مَسْرُوقٍ، عَنْ عَائِشَةَ، قَالَتِ اجْتَمَعَ نِسَاءُ النَّبِيِّ صلى الله عليه وسلم فَلَمْ يُغَادِرْ مِنْهُنَّ امْرَأَةً فَجَاءَتْ فَاطِمَةُ تَمْشِي كَأَنَّ مِشْيَتَهَا مِشْيَةُ رَسُولِ اللَّهِ صلى الله عليه وسلم فَقَالَ " مَرْحَبًا بِابْنَتِي " . فَأَجْلَسَهَا عَنْ يَمِينِهِ أَوْ عَنْ شِمَالِهِ ثُمَّ إِنَّهُ أَسَرَّ إِلَيْهَا حَدِيثًا فَبَكَتْ فَاطِمَةُ ثُمَّ إِنَّهُ سَارَّهَا فَضَحِكَتْ أَيْضًا فَقُلْتُ لَهَا مَا يُبْكِيكِ فَقَالَتْ مَا كُنْتُ لأُفْشِيَ سِرَّ رَسُولِ اللَّهِ صلى الله عليه وسلم . فَقُلْتُ مَا رَأَيْتُ كَالْيَوْمِ فَرَحًا أَقْرَبَ مِنْ حُزْنٍ . فَقُلْتُ لَهَا حِينَ بَكَتْ أَخَصَّكِ رَسُولُ اللَّهِ صلى الله عليه وسلم بِحَدِيثِهِ دُونَنَا ثُمَّ تَبْكِينَ وَسَأَلْتُهَا عَمَّا قَالَ فَقَالَتْ مَا كُنْتُ لأُفْشِيَ سِرَّ رَسُولِ اللَّهِ صلى الله عليه وسلم . حَتَّى إِذَا قُبِضَ سَأَلْتُهَا فَقَالَتْ إِنَّهُ كَانَ حَدَّثَنِي " أَنَّ جِبْرِيلَ كَانَ يُعَارِضُهُ بِالْقُرْآنِ كُلَّ عَامٍ مَرَّةً وَإِنَّهُ عَارَضَهُ بِهِ فِي الْعَامِ مَرَّتَيْنِ وَلاَ أُرَانِي إِلاَّ قَدْ حَضَرَ أَجَلِي وَإِنَّكِ أَوَّلُ أَهْلِي لُحُوقًا بِي وَنِعْمَ السَّلَفُ أَنَا لَكِ " . فَبَكَيْتُ لِذَلِكِ ثُمَّ إِنَّهُ سَارَّنِي فَقَالَ " أَلاَ تَرْضَيْنَ أَنْ تَكُونِي سَيِّدَةَ نِسَاءِ الْمُؤْمِنِينَ أَوْ سَيِّدَةَ نِسَاءِ هَذِهِ الأُمَّةِ " . فَضَحِكْتُ لِذَلِكِ .
Oisha (roziyallohu anho)dan rivoyat qilinadi: Paygʻambar ﷺ ning xotinlari yigʻilishdi, ulardan biror ayol qolmadi. Shunda Fotima yurib keldi — goʻyo uning yurishi Rasululloh ﷺ ning yurishlari edi. (Rasululloh ﷺ): «Qizimga marhabo!» dedilar va uni oʻng yonlariga yoki chap yonlariga oʻtqazdilar. Soʻng unga pichirlab bir gap aytdilar, shunda Fotima yigʻladi. Soʻng yana pichirlab aytdilar, shunda u kuldi. Men unga: «Seni nima yigʻlatdi?» dedim. U: «Men Rasululloh ﷺ ning sirlarini oshkor qilmayman», dedi. Men: «Bugungidek xursandlik bilan gʻamga shu qadar yaqin (holatni) hech koʻrmagandim», dedim. U yigʻlaganida men unga: «Rasululloh ﷺ bizni qoʻyib, seni soʻzlari bilan ajratdilarmi-yu, sen yigʻlayapsanmi?» deb, u (zot) nima deganlarini soʻradim. U: «Men Rasululloh ﷺ ning sirlarini oshkor qilmayman», dedi. Nihoyat (Rasululloh ﷺ) vafot etganlaridan keyin men undan soʻradim. U: «(U zot) menga: ‹Jabroil har yili bir marta menga Qurʼonni oʻrgatib chiqar edi, bu yil esa u menga ikki marta oʻrgatib chiqdi, men ajalim yetib kelgan deb bilaman, ahlim ichida menga eng avval qoʻshiladigan sensan, men sen uchun qanday yaxshi salafman› deb aytgan edilar. Men shu sababdan yigʻladim. Soʻng menga pichirlab: ‹Moʻmin ayollarning xonimi — yoki bu ummat ayollarining xonimi boʻlishingga rozi emasmisan?› dedilar. Men shu sababdan kuldim», dedi.Оиша (розияллоҳу анҳо)дан ривоят қилинади: Пайғамбар ﷺ нинг хотинлари йиғилишди, улардан бирор аёл қолмади. Шунда Фотима юриб келди — гўё унинг юриши Расулуллоҳ ﷺ нинг юришлари эди. (Расулуллоҳ ﷺ): «Қизимга марҳабо!» дедилар ва уни ўнг ёнларига ёки чап ёнларига ўтқаздилар. Сўнг унга пичирлаб бир гап айтдилар, шунда Фотима йиғлади. Сўнг яна пичирлаб айтдилар, шунда у кулди. Мен унга: «Сени нима йиғлатди?» дедим. У: «Мен Расулуллоҳ ﷺ нинг сирларини ошкор қилмайман», деди. Мен: «Бугунгидек хурсандлик билан ғамга шу қадар яқин (ҳолатни) ҳеч кўрмагандим», дедим. У йиғлаганида мен унга: «Расулуллоҳ ﷺ бизни қўйиб, сени сўзлари билан ажратдиларми-ю, сен йиғлаяпсанми?» деб, у (зот) нима деганларини сўрадим. У: «Мен Расулуллоҳ ﷺ нинг сирларини ошкор қилмайман», деди. Ниҳоят (Расулуллоҳ ﷺ) вафот этганларидан кейин мен ундан сўрадим. У: «(У зот) менга: ‹Жаброил ҳар йили бир марта менга Қуръонни ўргатиб чиқар эди, бу йил эса у менга икки марта ўргатиб чиқди, мен ажалим етиб келган деб биламан, аҳлим ичида менга энг аввал қўшиладиган сенсан, мен сен учун қандай яхши салафман› деб айтган эдилар. Мен шу сабабдан йиғладим. Сўнг менга пичирлаб: ‹Мўмин аёлларнинг хоними — ёки бу уммат аёлларининг хоними бўлишингга рози эмасмисан?› дедилар. Мен шу сабабдан кулдим», деди.