أَخْبَرَنَا يَحْيَى بْنُ يَحْيَى التَّمِيمِيُّ، قَالَ قَرَأْتُ عَلَى مَالِكٍ عَنِ ابْنِ شِهَابٍ، أَنَّ عُمَرَ بْنَ عَبْدِ الْعَزِيزِ، أَخَّرَ الصَّلاَةَ يَوْمًا فَدَخَلَ عَلَيْهِ عُرْوَةُ بْنُ الزُّبَيْرِ فَأَخْبَرَهُ أَنَّ الْمُغِيرَةَ بْنَ شُعْبَةَ أَخَّرَ الصَّلاَةَ يَوْمًا وَهُوَ بِالْكُوفَةِ فَدَخَلَ عَلَيْهِ أَبُو مَسْعُودٍ الأَنْصَارِيُّ فَقَالَ مَا هَذَا يَا مُغِيرَةُ أَلَيْسَ قَدْ عَلِمْتَ أَنَّ جِبْرِيلَ نَزَلَ فَصَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ صَلَّى فَصَلَّى رَسُولُ اللَّهِ صلى الله عليه وسلم ثُمَّ قَالَ " بِهَذَا أُمِرْتُ " . فَقَالَ عُمَرُ لِعُرْوَةَ انْظُرْ مَا تُحَدِّثُ يَا عُرْوَةُ أَوَإِنَّ جِبْرِيلَ عَلَيْهِ السَّلاَمُ هُوَ أَقَامَ لِرَسُولِ اللَّهِ صلى الله عليه وسلم وَقْتَ الصَّلاَةِ فَقَالَ عُرْوَةُ كَذَلِكَ كَانَ بَشِيرُ بْنُ أَبِي مَسْعُودٍ يُحَدِّثُ عَنْ أَبِيهِ .
Abu Masʼud al-Ansoriy (roziyallohu anhu)dan rivoyat qilinadi: Umar ibn Abdulaziz bir kuni namozni kechiktirdi. Shunda uning oldiga Urva ibn az-Zubayr kirib, unga xabar berdiki: Mugʻira ibn Shuʼba Kufada (voliy) ekanida bir kuni namozni kechiktirgan edi, shunda uning oldiga Abu Masʼud al-Ansoriy kirib: «Ey Mugʻira, bu nimasi? Bilmaysanmi, Jibril (osmondan) tushib namoz oʻqidi, Rasululloh ﷺ ham (u bilan) namoz oʻqidilar, soʻng (Jibril) oʻqidi, Rasululloh ﷺ ham oʻqidilar, soʻng (Jibril) oʻqidi, Rasululloh ﷺ ham oʻqidilar, soʻng (Jibril) oʻqidi, Rasululloh ﷺ ham oʻqidilar, soʻng (Jibril) oʻqidi, Rasululloh ﷺ ham oʻqidilar, soʻng (Rasululloh ﷺ): ‹Men shunga buyurilganman›, — dedilar», dedi. Shunda Umar Urvaga: «Ey Urva, nima deyotganingga eʼtibor ber. Rostdan ham Jibril alayhissalom Rasululloh ﷺ ga namoz vaqtini belgilab berdimi?» dedi. Urva: «Bashir ibn Abu Masʼud otasidan ana shunday rivoyat qilar edi», dedi.Абу Масъуд ал-Ансорий (розияллоҳу анҳу)дан ривоят қилинади: Умар ибн Абдулазиз бир куни намозни кечиктирди. Шунда унинг олдига Урва ибн аз-Зубайр кириб, унга хабар бердики: Муғира ибн Шуъба Куфада (волий) эканида бир куни намозни кечиктирган эди, шунда унинг олдига Абу Масъуд ал-Ансорий кириб: «Эй Муғира, бу нимаси? Билмайсанми, Жибрил (осмондан) тушиб намоз ўқиди, Расулуллоҳ ﷺ ҳам (у билан) намоз ўқидилар, сўнг (Жибрил) ўқиди, Расулуллоҳ ﷺ ҳам ўқидилар, сўнг (Жибрил) ўқиди, Расулуллоҳ ﷺ ҳам ўқидилар, сўнг (Жибрил) ўқиди, Расулуллоҳ ﷺ ҳам ўқидилар, сўнг (Жибрил) ўқиди, Расулуллоҳ ﷺ ҳам ўқидилар, сўнг (Расулуллоҳ ﷺ): ‹Мен шунга буюрилганман›, — дедилар», деди. Шунда Умар Урвага: «Эй Урва, нима деётганингга эътибор бер. Ростдан ҳам Жибрил алайҳиссалом Расулуллоҳ ﷺ га намоз вақтини белгилаб бердими?» деди. Урва: «Башир ибн Абу Масъуд отасидан ана шундай ривоят қилар эди», деди.