Ubay ibn Kaʼb (roziyallohu anhu)dan rivoyat qilinadi: Ansorlardan bir kishi bor edi, uning uyi Madinadagi eng chekka uy edi. Shunday boʻlsa-da, uning Rasululloh ﷺ bilan birga (oʻqiladigan) birorta namozi qolmasdi. (Ubay) dedi: Biz unga achindik. Men unga: «Ey falonchi! Qizigan qumdan va yerning hasharotlaridan saqlaydigan bir eshak sotib olsang boʻlmasmidi?» dedim. (U) dedi: «Yoʻq, Allohga qasamki, uyim Muhammad ﷺ ning uyiga yondosh boʻlishini ham istamayman». (Ubay) dedi: Shunda men bundan ogʻir ranjib, Allohning Paygʻambari ﷺ huzuriga keldim va u zotga (buni) xabar qildim. (Ubay) dedi: U zot (haligi kishini) chaqirib, unga ham xuddi shunday (eshak haqida) dedilar. (U kishi) qadamlari (izlari) savobini umid qilishini aytdi. Shunda Paygʻambar ﷺ unga: «Sen umid qilgan narsa albatta senga (beriladi)», dedilar.Убай ибн Каъб (розияллоҳу анҳу)дан ривоят қилинади: Ансорлардан бир киши бор эди, унинг уйи Мадинадаги энг чекка уй эди. Шундай бўлса-да, унинг Расулуллоҳ ﷺ билан бирга (ўқиладиган) бирорта намози қолмасди. (Убай) деди: Биз унга ачиндик. Мен унга: «Эй фалончи! Қизиган қумдан ва ернинг ҳашаротларидан сақлайдиган бир эшак сотиб олсанг бўлмасмиди?» дедим. (У) деди: «Йўқ, Аллоҳга қасамки, уйим Муҳаммад ﷺ нинг уйига ёндош бўлишини ҳам истамайман». (Убай) деди: Шунда мен бундан оғир ранжиб, Аллоҳнинг Пайғамбари ﷺ ҳузурига келдим ва у зотга (буни) хабар қилдим. (Убай) деди: У зот (ҳалиги кишини) чақириб, унга ҳам худди шундай (эшак ҳақида) дедилар. (У киши) қадамлари (излари) савобини умид қилишини айтди. Шунда Пайғамбар ﷺ унга: «Сен умид қилган нарса албатта сенга (берилади)», дедилар.