Abdulloh ibnul-Horis ibn Navfal (roziyallohu anhu)dan rivoyat qilinadi: Men soʻradim va odamlardan biror kishi menga Rasululloh ﷺ zuho (chosht) namozini oʻqiganlari haqida xabar berishini juda istadim, lekin Abu Tolibning qizi Ummu Honiʼdan boshqa, menga buni hadis qilib aytadigan hech kimni topmadim. U menga xabar berdiki, Rasululloh ﷺ fath kuni kun koʻtarilgandan soʻng keldilar. Soʻng bir kiyim keltirilib, u bilan toʻsildilar. Soʻng gʻusl qildilar. Keyin turib, sakkiz rakat (namoz) oʻqidilar. Men u (namoz)dagi qiyomlari uzunroqmi yoki rukuʼlarimi yo sajdalarimi — bilmayman; bularning hammasi bir-biriga yaqin edi. (Ummu Honiʼ) dedi: Men u zotni bu (namoz)ni undan oldin ham, keyin ham oʻqiyotganlarini koʻrmadim.Абдуллоҳ ибнул-Ҳорис ибн Навфал (розияллоҳу анҳу)дан ривоят қилинади: Мен сўрадим ва одамлардан бирор киши менга Расулуллоҳ ﷺ зуҳо (чошт) намозини ўқиганлари ҳақида хабар беришини жуда истадим, лекин Абу Толибнинг қизи Умму Ҳониъдан бошқа, менга буни ҳадис қилиб айтадиган ҳеч кимни топмадим. У менга хабар бердики, Расулуллоҳ ﷺ фатҳ куни кун кўтарилгандан сўнг келдилар. Сўнг бир кийим келтирилиб, у билан тўсилдилар. Сўнг ғусл қилдилар. Кейин туриб, саккиз ракат (намоз) ўқидилар. Мен у (намоз)даги қиёмлари узунроқми ёки рукуъларими ё саждаларими — билмайман; буларнинг ҳаммаси бир-бирига яқин эди. (Умму Ҳониъ) деди: Мен у зотни бу (намоз)ни ундан олдин ҳам, кейин ҳам ўқиётганларини кўрмадим.