Zayd ibn Sobit (roziyallohu anhu)dan rivoyat qilinadi: Rasululloh ﷺ xurmo bargi yoki boʻyradan kichik bir hujra ajratdilar, soʻng Rasululloh ﷺ unda namoz oʻqigani chiqdilar. Bir qancha kishilar u zotning izidan ergashib, kelib u zotning namoziga (ergashib) namoz oʻqiy boshlashdi. Soʻngra ular bir kechasi kelib (yana) hozir boʻlishdi, Rasululloh ﷺ esa ularning oldiga chiqishni kechiktirdilar. U zot ularning oldiga chiqmadilar. Shunda ular ovozlarini koʻtarishdi va eshikni tosh otib (taqillatishdi). Bas Rasululloh ﷺ ularning oldiga gʻazablangan holda chiqdilar va Rasululloh ﷺ ularga: «Sizlarning bu qilmishingiz shu darajaga yetdiki, hatto men bu (namoz) sizlarga farz qilib qoʻyilsa kerak, deb oʻyladim. Bas uylaringizda namoz oʻqishni lozim tutinglar, chunki kishining eng yaxshi namozi — farz namozdan boshqasi — uning uyida oʻqigan namozidir», — dedilar.Зайд ибн Собит (розияллоҳу анҳу)дан ривоят қилинади: Расулуллоҳ ﷺ хурмо барги ёки бўйрадан кичик бир ҳужра ажратдилар, сўнг Расулуллоҳ ﷺ унда намоз ўқигани чиқдилар. Бир қанча кишилар у зотнинг изидан эргашиб, келиб у зотнинг намозига (эргашиб) намоз ўқий бошлашди. Сўнгра улар бир кечаси келиб (яна) ҳозир бўлишди, Расулуллоҳ ﷺ эса уларнинг олдига чиқишни кечиктирдилар. У зот уларнинг олдига чиқмадилар. Шунда улар овозларини кўтаришди ва эшикни тош отиб (тақиллатишди). Бас Расулуллоҳ ﷺ уларнинг олдига ғазабланган ҳолда чиқдилар ва Расулуллоҳ ﷺ уларга: «Сизларнинг бу қилмишингиз шу даражага етдики, ҳатто мен бу (намоз) сизларга фарз қилиб қўйилса керак, деб ўйладим. Бас уйларингизда намоз ўқишни лозим тутинглар, чунки кишининг энг яхши намози — фарз намоздан бошқаси — унинг уйида ўқиган намозидир», — дедилар.