Tur togʻi Siynaa yarim orolidagi togʻ boʻlib, oʻsha joyda Alloh taolo Muso alayhissalom bilan gaplashgan. Muso alayhissalomga Alloh taolo tomonidan yuborilgan lavhlar ham shu toqqa tushgan. Muso alayhissalom Alloh taolodan, jamolingni koʻrsat, deb soʻraganida, Haq subhanahu va taolo, men toqqa nazar solaman, agar u chidasa, senga jamolimni koʻrsataman, deb Turga nazar solganda, togʻ chidamagan ekan. Ushbu muborak togʻ bilan qasam ichishning oʻzi suraning muqaddaslik ruhini oshiradi.