Yaʼni, anavi mushriklar bir-birlaridan nima haqida soʻrashmoqda? Ushbu savol soʻralayotgan narsaning ahamiyatini oshirish uchun bilib turib qasdan soʻrash uslubiga kiradi. Avval aytib oʻtilganidek, Makka mushriklari oʻzaro bir-birlaridan oʻlgandan keyin tirilish haqida istehzo va inkor tariqasida soʻrar edilar. Ana oʻsha mushriklar soʻrayotgan narsa ulugʻ va ahamiyatli narsa ekanini anglatish uchun ushbu uslub ishlatilmoqda. Birinchi oyatda savol berilib turib, birovning javobini kutmasdan, ikkinchi oyatda javob berilmoqda.