Abdulvahhob ibn Muhammad ibn Hasan ibn Solim Azzom

Adab olimi; misrlik. ash-Shavbakda (Misrning Jiza qishloqlaridan) tugʻilib Azharga kirgan. Qohiradagi Shariy qozilik maktabini tugatib, oʻsha yerda dars bergan. Soʻng eski Misr universitetiga yoʻnalib, 1923-yili adabiyot va falsafa boʻyicha uning shahodatnomasini olgan. Londondagi Misr elchixonasiga diniy ishlar boʻyicha maslahatchi etib tanlangach, London universitetining Sharq tillari boʻlimiga qoʻshilib, u yerdan fors adabiyoti boʻyicha «doktorlik» darajasini olgan. Qohiraga qaytib, universitetidan adabiyot boʻyicha doktorlik shahodatnomasini olgan. Misr universitetining Adabiyot fakultetida forschadan dars bergan, soʻng shu fakultetning dekani boʻlgan; keyin 1948-yili Saudiya Arabistoniga Misrning vakolatli vaziri etib tayinlangan va Pokistonga koʻchirilgan. 1954-yili Saudiyaga safir boʻlib qaytgan; koʻp oʻtmay nafaqaga chiqarilgach, Saudiya unga Riyozda Malik universitetini tashkil etishni topshirgan va u uni tashkil qilgan. Riyozdagi uyida yurak xurujidan toʻsatdan vafot etgan; jasadi samolyotda Qohiraga olib borilib, Halvonda dafn qilingan. Suriya, Iroq, Misr va Erondagi ilmiy akademiyalarning aʼzosi edi. Fransuz, ingliz, fors, urdu va turk tillarini yaxshi bilardi. Bosilgan kitoblaridan: forschadan tarjima qilib izohlagan «Fusul min al-Masnaviy», «Zikro Abu-t-Tayyib baʼda alf om», «Muhammad Iqbol: siyratuhu va falsafatuhu va sheʼruhu», «at-Tasavvuf va Fariduddin al-Attor», «Majolis as-sulton al-Gʻavriy», maqola va manzumalardan iborat «al-Avobid», ikki juzlik «Rihlot», «ash-Shavorid», «an-Nafahot» va oxirgi yozgani «al-Muʼtamid ibn Abbod». Yaxshi nazmi bor. Doktor Muhammad Zakiy al-Mahosiniyning uning hayoti va asarlari haqidagi «Abdulvahhob Azzom» (bosilgan) kitobi bor.Адаб олими; мисрлик. аш-Шавбакда (Мисрнинг Жиза қишлоқларидан) туғилиб Азҳарга кирган. Қоҳирадаги Шарий қозилик мактабини тугатиб, ўша ерда дарс берган. Сўнг эски Миср университетига йўналиб, 1923-йили адабиёт ва фалсафа бўйича унинг шаҳодатномасини олган. Лондондаги Миср элчихонасига диний ишлар бўйича маслаҳатчи этиб танлангач, Лондон университетининг Шарқ тиллари бўлимига қўшилиб, у ердан форс адабиёти бўйича «докторлик» даражасини олган. Қоҳирага қайтиб, университетидан адабиёт бўйича докторлик шаҳодатномасини олган. Миср университетининг Адабиёт факултетида форсчадан дарс берган, сўнг шу факултетнинг декани бўлган; кейин 1948-йили Саудия Арабистонига Мисрнинг ваколатли вазири этиб тайинланган ва Покистонга кўчирилган. 1954-йили Саудияга сафир бўлиб қайтган; кўп ўтмай нафақага чиқарилгач, Саудия унга Риёзда Малик университетини ташкил этишни топширган ва у уни ташкил қилган. Риёздаги уйида юрак хуружидан тўсатдан вафот этган; жасади самолётда Қоҳирага олиб борилиб, Ҳалвонда дафн қилинган. Сурия, Ироқ, Миср ва Эрондаги илмий академияларнинг аъзоси эди. Франсуз, инглиз, форс, урду ва турк тилларини яхши биларди. Босилган китобларидан: форсчадан таржима қилиб изоҳлаган «Фусул мин ал-Маснавий», «Зикро Абу-т-Таййиб баъда алф ом», «Муҳаммад Иқбол: сийратуҳу ва фалсафатуҳу ва шеъруҳу», «ат-Тасаввуф ва Фаридуддин ал-Аттор», «Мажолис ас-султон ал-Ғаврий», мақола ва манзумалардан иборат «ал-Авобид», икки жузлик «Риҳлот», «аш-Шаворид», «ан-Нафаҳот» ва охирги ёзгани «ал-Муътамид ибн Аббод». Яхши назми бор. Доктор Муҳаммад Закий ал-Маҳосинийнинг унинг ҳаёти ва асарлари ҳақидаги «Абдулваҳҳоб Аззом» (босилган) китоби бор.

Manba: al-Aʼlom (Xayruddin az-Zirikliy), j. 4, b. 186Манба: ал-Аълом (Хайруддин аз-Зириклий), ж. 4, б. 186