Ahmad Someh ibn shayx Rogʻib al-Xolidiy, Abul-Valid
Muhaddis
Tarbiya va taʼlim arboblaridan; falastinlik, Yofa ahlidan. Quddusdagi Mitropolit maktabida, soʻng Bayrutdagi Amerika universitetida oʻqigan. 1917-yili dorishunos boʻlib chiqqan va Birinchi jahon urushi oxirigacha usmonli qoʻshinida xizmat qilgan. Urushdan keyin universitetga qaytib magistr darajasini olgan; Yofa qazosida maorif inspektori, 1925-yildan Quddusdagi Arab kolleji direktori, soʻng Falastin maorif mudirining yordamchisi boʻlgan. Yahudiylar Falastinga bostirib kirgach Livanga koʻchgan va uning qishloqlaridan Bayt Mariyda vafot etib, Bayrutda dafn qilingan. Kitoblari: «Rijol al-hukm va-l-idora fi Falastin», ikki juzlik «Anzimat at-taʼlim», «Arkon at-tadris», tarbiya va taʼlimga oid «Idorat as-sufuf», «Ahl al-ilm bayna Misr va Falastin» risolasi, «al-Arab va-l-hazora al-hadisa», «Rihlot fi diyor ash-Shom», sakkiz juzlik «Tarix al-maohid al-islomiyya» (qoʻlyozma), «al-Urdun fi-t-tarix al-islomiy» (qoʻlyozma), «Tarix Bayt al-Maqdis» (qoʻlyozma), «al-Hayot al-aqliyya» va «Aqniat al-hubb»; inglizchadan psixologiyaga oid bir kitobni tarjima qilgan hamda tarix va adabga oid bir necha qadimiy qoʻlyozma risolani nashr etgan.Тарбия ва таълим арбобларидан; фаластинлик, Ёфа аҳлидан. Қуддусдаги Митрополит мактабида, сўнг Байрутдаги Америка университетида ўқиган. 1917-йили доришунос бўлиб чиққан ва Биринчи жаҳон уруши охиригача усмонли қўшинида хизмат қилган. Урушдан кейин университетга қайтиб магистр даражасини олган; Ёфа қазосида маориф инспектори, 1925-йилдан Қуддусдаги Араб коллежи директори, сўнг Фаластин маориф мудирининг ёрдамчиси бўлган. Яҳудийлар Фаластинга бостириб киргач Ливанга кўчган ва унинг қишлоқларидан Байт Марийда вафот этиб, Байрутда дафн қилинган. Китоблари: «Рижол ал-ҳукм ва-л-идора фи Фаластин», икки жузлик «Анзимат ат-таълим», «Аркон ат-тадрис», тарбия ва таълимга оид «Идорат ас-суфуф», «Аҳл ал-илм байна Миср ва Фаластин» рисоласи, «ал-Араб ва-л-ҳазора ал-ҳадиса», «Риҳлот фи диёр аш-Шом», саккиз жузлик «Тарих ал-маоҳид ал-исломийя» (қўлёзма), «ал-Урдун фи-т-тарих ал-исломий» (қўлёзма), «Тарих Байт ал-Мақдис» (қўлёзма), «ал-Ҳаёт ал-ақлийя» ва «Ақниат ал-ҳубб»; инглизчадан психологияга оид бир китобни таржима қилган ҳамда тарих ва адабга оид бир неча қадимий қўлёзма рисолани нашр этган.
Manba: al-Aʼlom (Xayruddin az-Zirikliy), j. 1, b. 130Манба: ал-Аълом (Хайруддин аз-Зириклий), ж. 1, б. 130