Hasan ibn Ahmad Bandung al-Indunisiy
Muhaddis
Islohot kishilaridan boʻlgan indoneziyalik (javalik) olim. Singapurda tugʻilgan va din hamda arab tili asoslarini oʻsha yerda olgan. 1921-yili Indoneziyaning Surabaya shahriga koʻchib, u yerdagi baʼzi ulamolar bilan aloqa bogʻlagan; 1924–1941-yillarda Bandung shahrida yashagan va shunga nisbat berilgan. Islomning haqiqatini tushuntirishga daʼvat qilib, taqlidga qarshi kurashgan; fiqh, hadis va kalom ilmida kuchli, oʻz tilidan tashqari arab va ingliz tillarini, ularning qoidalari va adabiyotini yaxshi bilgan. Bandungda matbaa qurib, «Islom himoyasi» nomli jurnal chiqargan, indonez, arab va ingliz tillarida fiqh, hadis, tavhid va siyosatga oid kitob va risolalar yozgan, baʼzilari qayta-qayta bosilgan; eng ulugʻ kitobi indonez tilidagi «Al-Furqon fi tafsir al-Qurʼon», yana shu tilda «An-Nubuvva» kitobi va «Ayol Islomda», «Al-Meʼroj», «Az-Zakot», «Diniy fatvolar», «Islom nima?» risolalari bor. 1941-yili Sharqiy Yavadagi Bangil qasabasiga koʻchib, umrining oxirigacha oʻsha yerda yashagan.Ислоҳот кишиларидан бўлган индонезиялик (жавалик) олим. Сингапурда туғилган ва дин ҳамда араб тили асосларини ўша ерда олган. 1921-йили Индонезиянинг Сурабая шаҳрига кўчиб, у ердаги баъзи уламолар билан алоқа боғлаган; 1924–1941-йилларда Бандунг шаҳрида яшаган ва шунга нисбат берилган. Исломнинг ҳақиқатини тушунтиришга даъват қилиб, тақлидга қарши курашган; фиқҳ, ҳадис ва калом илмида кучли, ўз тилидан ташқари араб ва инглиз тилларини, уларнинг қоидалари ва адабиётини яхши билган. Бандунгда матбаа қуриб, «Ислом ҳимояси» номли журнал чиқарган, индонез, араб ва инглиз тилларида фиқҳ, ҳадис, тавҳид ва сиёсатга оид китоб ва рисолалар ёзган, баъзилари қайта-қайта босилган; энг улуғ китоби индонез тилидаги «Ал-Фурқон фи тафсир ал-Қуръон», яна шу тилда «Ан-Нубувва» китоби ва «Аёл Исломда», «Ал-Меърож», «Аз-Закот», «Диний фатволар», «Ислом нима?» рисолалари бор. 1941-йили Шарқий Явадаги Бангил қасабасига кўчиб, умрининг охиригача ўша ерда яшаган.
Manba: al-Aʼlom (Xayruddin az-Zirikliy), j. 2, b. 184Манба: ал-Аълом (Хайруддин аз-Зириклий), ж. 2, б. 184