Muhammad ibn Solih ibn Ahmad ibn Muhammad ibn Ali Majdiy
Muhaddis
Tadqiqotchi va tarjimon, sheʼr ham aytgan; Misr ahlidan. Asli Makkadan; ulugʻ bobosi Sharif Majduddin Misr diyoriga koʻchgan edi. Oʻzi Jiza tumanidagi Abu Rijvonda tugʻilgan, Halvonda, soʻng Qohiradagi Alsun (tillar) maktabida oʻqigan. Harbiy tarbiya olib oʻsgan, soʻng qozilikka oʻtgan va Qohirada vafot etgan. Fransuzchadan koʻp kitob tarjima qilgan: «Mayodin al-husun val-qiloʻ va ramy al-qanobir bil-yad», harbiy sanʼatga oid «Tazkir al-mursal», «Tarix intishor al-mugʻul», «Jadovil al-muhandisin», «Tatbiq al-handasa alal-kimyo». Oʻzi ham «al-Matolib al-munifa fil-istihkomot al-xafifa» va «Samoniyata ashara yavman fi Saʼid Misr» kabi kitoblar yozgan. Xediv Ismoil taxtga oʻtirgach, uni «Kod Napoleon» nomi bilan mashhur fransuz qonunlarini tarjima qilishga taklif etdi, u ularni arabchaga oʻgirdi. 1286-h. yilda inglizchani oʻrgandi; «Devoni sheʼr»i ham bosilgan. Ali Muborak: «Uning tarjima va tasniflari 65 dan ortiq kitob va risoladir», degan.Тадқиқотчи ва таржимон, шеър ҳам айтган; Миср аҳлидан. Асли Маккадан; улуғ бобоси Шариф Маждуддин Миср диёрига кўчган эди. Ўзи Жиза туманидаги Абу Рижвонда туғилган, Ҳалвонда, сўнг Қоҳирадаги Алсун (тиллар) мактабида ўқиган. Ҳарбий тарбия олиб ўсган, сўнг қозиликка ўтган ва Қоҳирада вафот этган. Франсузчадан кўп китоб таржима қилган: «Маёдин ал-ҳусун вал-қилў ва рамй ал-қанобир бил-яд», ҳарбий санъатга оид «Тазкир ал-мурсал», «Тарих интишор ал-муғул», «Жадовил ал-муҳандисин», «Татбиқ ал-ҳандаса алал-кимё». Ўзи ҳам «ал-Матолиб ал-мунифа фил-истиҳкомот ал-хафифа» ва «Самонията ашара явман фи Саъид Миср» каби китоблар ёзган. Хедив Исмоил тахтга ўтиргач, уни «Код Наполеон» номи билан машҳур франсуз қонунларини таржима қилишга таклиф этди, у уларни арабчага ўгирди. 1286-ҳ. йилда инглизчани ўрганди; «Девони шеър»и ҳам босилган. Али Муборак: «Унинг таржима ва таснифлари 65 дан ортиқ китоб ва рисоладир», деган.
Manba: al-Aʼlom (Xayruddin az-Zirikliy), j. 6, b. 165Манба: ал-Аълом (Хайруддин аз-Зириклий), ж. 6, б. 165