Vasfiy ibn Mustafo Vahba at-Tall

Bosh vazir; siyosat qurbonlaridan. Urdundagi Irbidda tugʻilgan, Bayrutdagi Amerika universitetini va Falastindagi Sarafand shahridagi Britaniya harbiy kollejini tamomlagan (1942), Ikkinchi jahon urushi oxirigacha Britaniya qoʻshinida xizmat qilgan. Soʻng Londondagi Falastin arab byurosida ishlagan. 1948-yili Falastin urushi boshlanganda «Najot qoʻshini» qoʻmondonlaridan boʻlgan. Urushdan soʻng qisqa muddat Suriya qoʻshinida ishlab, 1949-yili Ammonga qaytgan; Umumiy statistika idorasida xizmatchi, soʻng matbuot direktori (1955), Bonndagi Urdun elchixonasiga maslahatchi, qirol marosimlari boshligʻi (1957), Bagʻdodda Urdun elchisi (1960) va nihoyat bosh vazir (1962) boʻlgan; raisligi 1966-yilgacha besh marta takrorlangan. «Fidoiylar»ni Urdun yurtidan chiqarishda qattiqqoʻl boʻldi, shuning uchun ular uni Qohirada Birgalikdagi arab mudofaa kengashi yigʻinidan chiqib kelayotganida gʻaflatda oʻldirdilar.Бош вазир; сиёсат қурбонларидан. Урдундаги Ирбидда туғилган, Байрутдаги Америка университетини ва Фаластиндаги Сарафанд шаҳридаги Британия ҳарбий коллежини тамомлаган (1942), Иккинчи жаҳон уруши охиригача Британия қўшинида хизмат қилган. Сўнг Лондондаги Фаластин араб бюросида ишлаган. 1948-йили Фаластин уруши бошланганда «Нажот қўшини» қўмондонларидан бўлган. Урушдан сўнг қисқа муддат Сурия қўшинида ишлаб, 1949-йили Аммонга қайтган; Умумий статистика идорасида хизматчи, сўнг матбуот директори (1955), Бонндаги Урдун элчихонасига маслаҳатчи, қирол маросимлари бошлиғи (1957), Бағдодда Урдун элчиси (1960) ва ниҳоят бош вазир (1962) бўлган; раислиги 1966-йилгача беш марта такрорланган. «Фидоийлар»ни Урдун юртидан чиқаришда қаттиққўл бўлди, шунинг учун улар уни Қоҳирада Биргаликдаги араб мудофаа кенгаши йиғинидан чиқиб келаётганида ғафлатда ўлдирдилар.

Manba: al-Aʼlom (Xayruddin az-Zirikliy), j. 8, b. 116Манба: ал-Аълом (Хайруддин аз-Зириклий), ж. 8, б. 116