Yuklanmoqda…
Yuklanmoqda…
Jahiz aytadilar: «Kimning kitob sotib olishga ketadigan nafaqasi ba’zi fosiqlarning qo‘shiqchilarga sochadigan pullaridan ko‘proq sarflanmasa, yoki dang‘illama uy quruvchilarning uylariga ketadigan xarajatlardan suyukliroq bo‘lmasa, u ilmda hech qanaqa darajaga erisha olmaydi! Hatto otboqar sut sotib olsa, bolasidan-da qizg‘anib otiga berganchalik kitobga sarflamasa, ilmdan manfa’at ola olmaydi! Va otboqar otidan qanday katta umidlar qilganidek, agar ilmdan ham shunday umid qilmasa, ilm unga hech narsa bermaydi.» (Hayvon kitobidan). Bugun esa ko‘ryapmiz: bolasiga falon firma kiyimini olib beradigan, yoki falon rusumli telefonni olib beradigan ota-onalar, kitobga kelsa esa: «Voy buu…» deya qizg‘anadi. Yoki internetdan behuda o‘yinlar, qo‘shiqlarni yuklab pul sarflab, qizg‘anmaydigan, ammo ozgina hajmi katta dars yuklab olsa: «Internetimni shilib oldi!» deb achchiqlanadiganlar — ilmdan zarra nasiba ham ololmaydilar!