Foydalar 159-dars | Bugun seni yig‘latgan narsa ertaga kuldirishi

Buning bir tasdig‘ini Yusuf alayhissalom qissasida ko‘ramiz. Bu surada «ko‘ylak» so‘zi uch marta zikr qilinadi: 1. «(Akalari) u kishining ko‘ylagini yolg‘on qonga belab kelishdi.» (Yusuf, 18) Bu ko‘ylak Yusuf alayhissalomga ham, otasiga ham g‘am bo‘ldi! 2. «Agar ko‘ylagi orqadan yirtilgan bo‘lsa, demak ayol yolg‘onchi, Yusuf rostgo‘y!» (Yusuf, 27) Bu ko‘ylak u kishining aybsizligiga dalil bo‘ldi. Ya’ni qisman xursandchilik sababiga aylandi. 3. «Mana bu ko‘ylagimni olib borib, otamning yuziga tashlanglar, ko‘zi ochilib keladi.» (Yusuf, 93) Bu ko‘ylak Yusuf alayhissalomga ham, otasiga ham quvonch va shodlik sabab bo‘ldi! Qissadan ibrat shuki: Allohning qadariga rozi bo‘l! Bugun seni yig‘latgan narsa — ertaga aybsizligingga dalil, undan keyin esa xursandchiligingga sabab bo‘lishi mumkin.