Yuklanmoqda…
Yuklanmoqda…
Rasululloh ﷺ tushlarida sut va hamr (aroq) taklif qilindi. U kishi sutni tanladilar. Shunda Jabroil dedi: «Fitratni tanladingiz! Agar hamrni tanlaganingizda, ummatingiz adashib ketardi.» (Imom Muslim) Hadisdagi bir nuqtaga e’tibor bering: «Agar sharobni tanlasangiz, ummatingiz adashardi…» Nega? Chunki kishi nimani tanlasa, ummat ham shunga ergashadi! Zero, baliq boshidan sasiydi! Bugun ahli ilm tinch qulog‘im, to‘q qornimdey yashab, butun xalq ham shu uslubdagi hayotni ma’qul ko‘rib qoldi. Ahli ilm: «Nima, yaxshi yashash harommi?» — deb butun xalqqa inkor ohangidagi savolni o‘rgatib qo‘ydi! Peshvolarning ahli oilasi ham boshqa oilalardan farqli ravishda yastanib o‘tirib, butun xalqning ayollari ham ularga taqlid qilib kimo‘zarlikka o‘rgandilar. Biror narsa deydigan bo‘lsangiz, tayyor gap: «Hasad qilayapti!» Yo‘q, dunyo sizning boshingizdan qolsa, oddiy musulmon bo‘lganingizda sizga kuyib-yonmas edik! Aynan shuning uchun Rasululloh ﷺ dunyoga berilmasdan, barcha sohada birinchi bo‘lib amal qiluvchi bo‘lib o‘tgan edilar. Shu bois, u zotning ayollariga qarata: «Dunyoni istasangiz, kelinglar, matohlaringni berib, chiroyli qilib kuzatib yuboraylik», — degan oyat nozil bo‘ldi! (Ahzob, 28) Peshvolarning ixtiyori — ergashuvchilarning ixtiyorini belgilaydi! Shuning uchun peshvolar nimani tanlashayotganlarini o‘ylab ko‘rishsin: bu faqat ularning shaxsiy hayotlari emas!