Yuklanmoqda…
Yuklanmoqda…
Alloh taolo Tolut va Jolut qissasida aytadi: «Qachonki Tolut lashkarlar bilan ayrilib chiqqach, dedi: “Albatta, Alloh sizlarni bir daryo bilan imtihon qiladi! Kim undan ichsa, u mendan emas” (Baqara, 249). Kishida savol tug‘iladi: «Nega oddiy daryo suvini ichish taqiqlanyapti? Nima, endi suv ham harommi?» Lekin gap suvda emas! Maqsad — insonga itoatni va irodani o‘rgatish! Chunki oddiy nafsini tiyishni o‘rganmagan odam katta sinovlar va tog‘utlarga qarshi kurashlarga dosh bera olmaydi. Xuddi shuningdek, «Nega?», «Nima uchun?» degan e’tirozlarni bir chetga qo‘yib, shariatga zid bo‘lmagan o‘rinlarda bo‘yin egishni o‘rganish lozim. Oyatdagi bir nuqtaga e’tibor bering: «Alloh sizlarni daryo bilan imtihon qiladi» Ya’ni, gohida Alloh sizni daryo bilan emas, balki amir, boshliq yoki ustozingiz orqali imtihon qiladi! Shunda sizning ularga itoatingiz — faqat ularning boshliq yoki ustozligi uchungina emas, balki Allohning imtihonidan o‘tish bo‘ladi!