Foydalar 17-dars | Alloh yo'lida xijrat qilish

Hijrat qilishdan cho‘chib, ikkilanib yurgan, “qayerga boraman, qanday yashayman?” degan shubhalarga Alloh taolo bir oyat bilan yechim beradi: “Va zulm ko‘rganidan so‘ng Alloh yo‘lida hijrat qilganlarga, albatta, dunyoda yaxshigina boshpana beramiz. Va oxirat ajri esa undan-da buyukdir, agar bilsalar.” (Nahl surasi, 41-oyat) Lekin keyingi oyatda ikki narsani shart qildi: “Ular sabr qilgan va Robblarigagina tavakkal qilgan.” (Nahl surasi, 42-oyat) Odamlarning ko‘plarida hijrat uchun tavakkul yetishmaydi. Yoki hijrat qilib chiqqanda sabrsizlik qilib qo‘yadi. Yoki birinchi oyatda aytilganidek, Allohning va’dasini bilishmaydi. Yoki hijratlari Alloh yo‘lida emas, balki vaqtinchalik sarguzasht, obro‘, mansab orttirish va boshqa dunyo matohlari uchun bo‘ladi. Natijada esa Alloh va’da qilgan ulug‘ mukofotlardan — ham dunyo, ham oxiratda — mahrum bo‘ladilar.