Yuklanmoqda…
Yuklanmoqda…
Kishilar orasini buzadigan asosiy ikki illat bor: 1.Hirs (havoyi nafs). 2.Tushunmovchilik. Bu ikki illat, hatto, solih va taqvodor zotlarning orasini ham buzishga sabab bo‘ladi. Alloh taolo aytadi: «Sizdan, Badr jangidagi o‘ljalar haqida so‘rashadi. Ayting: “O‘ljalar Alloh va Rasuliga tegishlidir.” Allohdan qo‘rqinglar va o‘rtalaringni isloh qilinglar.» (Anfol: 1) Badrdagi o‘ljalarga bo‘lgan hirs, hatto, sahobalar orasiga ham ixtilof tushirishga sabab bo‘ldi. Ammo ikkinchi illat – tushunmovchilik haqida Alloh taolo shunday deydi: «(Hizr bilan Muso) kemaga chiqqach, (Hizr) kemani teshib qo‘ydi. Shunda (Muso) aytdi: “(Bu kema) egalarini g‘arq qilish uchun kemani teshdingizmi?!”» (Kahf: 71) Tushunmovchilikni qarang: kemani teshdi – bu to‘g‘ri! Lekin uni egalarini g‘arq qilish uchun teshib qo‘ymagan edi. Birovlarning qilgan ishlaridagi maqsadini tushunmaslik, va unga qarab: «Sen falon niyatda qilding!» – deb hukm chiqarish, hatto, ikki payg‘ambar orasining ajralishiga sabab bo‘ldi! Boshqalarni-ku, aytmasa ham ma’lum! Bugun ahli ilm va mujohidlar orasidagi ixtiloflarning ham asosiy sabablari shu ikki narsa: 1.Havoyi nafs (hirs). 2.Maqsadni to‘g‘ri tushunmaslik. Shuning uchun, har bir inson Allohdan qo‘rqib, bu ikki xislati bor-yo‘qligini o‘z nafsida tafakkur qilishi lozim. «Menda yo‘q», demang! Hatto sahobalarda ham, payg‘ambarlarda ham bu hol yuz berdi. Bu so‘zlardan yana ba’zilar: «Payg‘ambarlarni tushunmovchilikda aybladilar!» – deb chiqmasin. Aslida gap shuki, Allohning hikmati ila, Muso va Hizr qissasida insonlarga buyuk ibrat ko‘rsatildi. Tushunmovchilikdan chetlaning!