Foydalar 183-dars | Hayotda o'zligingizni lozim tuting

Alloh taolo Yusuf alayhissalomni qamoqda sheriklari u kishiga bergan ta’rifini aytadi: «Albatta, biz sizni yaxshilik qiluvchilardan ekaningizni ko‘rib turibmiz.» (Yusuf: 36) Endi qamoqdan chiqib, taxtga o‘tirganda akalari sadaqa so‘rab kelib, u kishiga aytgan ta’riflarini keltiradi: «Albatta, biz sizni yaxshilik qiluvchilardan ekaningizni ko‘rib turibmiz...» (Yusuf: 78) Bir xil ta’rif! Yaxshilik qilaman, da’vat qilaman degan insonni qamoq ham, taxt ham bu yo‘lidan chalg‘itmaydi. Va musibatda majburlikni, ne’matda «hikmat» libosini kiyib olib, «siyosat» deb dinni o‘zgartirib ko‘rsatmaydi! Ibnu Javziy rahimahulloh aytadilar: «Bilgin, zamon hech qachon bir holda turmaydi. Alloh taolo aytadi: “Bu kunlarni odamlar orasida almashtirib turamiz.” Gohida faqirsan, gohida boy, goho aziz, gohida xor bo‘lasan! Haqiqiy baxtli inson esa hamma vaqt o‘z aslidek ko‘ringan inson. Boy bo‘lsa, boylik unga ziynat. Faqir bo‘lsa, bu unga sabr beradi. Bu holatlar hammasi o‘zgaradi, taqvo esa qat’iy salomatlikdir!»