Yuklanmoqda…
Yuklanmoqda…
Bugun islom olamiga bo‘layotgan hujumlarni ba’zilar “o‘tkinchi bir holat” deb tushunadilar. Aslida esa, Alloh taolo insonni yaratganda bu jangni e’lon qilib, shaytonga aytadi: «Ulardan qodir bo‘lganingni o‘z ovozing bilan yo‘ldan urgin, va ular ustilariga otliqlaringu piyolaring bilan bostirib bor.» (Isro: 64). E’tibor bering: Alloh taolo shaytonga bor kuchini tashlab, jangga kirishishini e’lon qildi! Endi siz shuncha kuchni osongina yengib o‘tmoqchimisiz? Shayton bu safarbarlikka hatto hayvonot olamidan ham lashkar to‘playdi. Buning tasdigi quyidagi hadisda keltirilgan: Ibnu Abbos raziyallohu anhumo aytadilar: «Bir sichqon yonib turgan chiroqni sudrab kelib, Payg‘ambar alayhissalom o‘tirgan joynamoz ustiga tashlab, undan bir dirham o‘rnidek joyni kuydirdi. Shunda Rasululloh alayhissalom aytdilar: “Agar uxlasanglar, chiroqlaringni o‘chiringlar, chunki shayton mana bu (sichqonga) bu ishlarni qilishga yo‘l ko‘rsatib, sizlarni yoqib yuboradi.”» (Abu Dawud). E’tibor bering, shayton sichqonni ishga soldi, u esa sal bo‘lmasa Rasululloh alayhissalomning uyini yoqib yubormoqchi bo‘ldi! Endi biz batariqi a’lo shaytonning lashkarlari oldida xotirjam yashay olmaymiz. Oddiy sichqondan shunday foydalansa, bugun katta kofir davlatlardan musulmonlar ziyoniga nimalarni reja qilmoqda ekan — tasavvur qilib ko‘ring! Kerak bo‘lsa, ba’zi din dushmanlariga siz haqingizda xayolga fikr tashlab: “Falonchani bir ushlab tekshirib ko‘rish kerak” — degan xayollarni tashlovchi ham shayton bo‘ladi. Shuning uchun biz shaytonning lashkarlarini tanib olishimiz zarurligiga ishora qilib: sichqon, it, kaltakesak va boshqa shayton askari bo‘lgan hayvonlarni o‘ldirishga buyurdilar. (Inson lashkarlarini esa batariqi a’lo tanish lozim.) Tavhid askari bo‘lgan hayvonlar — chumoli, baqa, hudhudlarni o‘ldirishdan qaytardilar. Mana shu sabab Qur’onda shayton yomonliklaridan panoh so‘rashga ko‘p targ‘ibatlar keldi. Musulmonlarga zarar berish uchun qaysi maxluqlarga nima rejalar o‘rgatayotganini bilmaymiz. Alloh taolo aytadi: Muso aytdi: «Men o‘zimning va sizlarning Robbingiz bilan barcha mutakabbir, hisob kuniga iymon keltirmaydiganlardan panohlanaman!» (G‘ofir: 27).