Foydalar 203-dars | Aqida evaziga manfaat beramiz

Shayx Rifaiy aytadilar: «Odamlarga beriladigan manfaatlar ularning aqidaviy bo‘shliqlarini to‘ldirish evaziga bo‘lishi kerak!» Masalan, Yusuf alayhissalomdan qamoqdagi sheriklari tushlarining ta’birini so‘raganda, u zot dedilar: «Sizlarga taomlaring rizq bo‘lib kelmasidan avval, albatta ta’bir qilib beraman. Bu Robbimning menga bergan ta’limidan.» (Yusuf: 37). Mana bu talab qilingan manfaat! Istasam, hoziroq ta’bir qila olaman demoqdalar, lekin sharti: avval aqidani eshitib qo‘yinglar! «Albatta, men Allohga iymon keltirmaydigan, oxiratga kofir millatdan baroat qildim!» (37–40-oyatlar — barchasi aqida mazmunida). Yana bir misol: Ashobul Uhdud qissasida ham podshohning ko‘zi ojiz vaziri g‘ulom oldiga borib: «Ko‘zimni davolasang, mana bu oltin-kumushlar senga» deganda, g‘ulom unga dedi: «Alloh shifo beradi! Agar sen iymon keltirsang, Allohga duo qilaman.» (Imom Muslim rivoyati). E’tibor bering! Hozir biror vazir bir mullaga ishi tushib borsa bormi, oyoq ostiga gilam solsa bo‘ldi, unga aqidadan og‘iz ochmaydi. Bu uslub hatto tog‘utlarda ham qo‘llaniladigan uslub: ishi tushgan insonga o‘z aqidasini tiqishtirish! Buning dalili: Sahobiy Habbob ibn Arot mushrik Os ibn Voildan qarzini so‘rab boradi. Shunda mushrik bu fursatdan foydalanib: «Muhammadga (alayhissalom) kofir bo‘lsang, beraman», — deydi (Imom Buxoriy rivoyati). Bugun esa ba’zi musulmonlar “jinsiy aloqadagi savoldan” nariga o‘ta olmay qolganlari sababli, so‘ramasa ham ozroq aqidadan gapirsangiz: «Men buni so‘radimmi?!» — deb boshingizni yorgudek bo‘ladi. Ehtiyot bo‘ling! Mabodo aqidani bilib qolsangiz, u yurakni teshib chiqadi! Har bir imom, ulamo yoki oddiy musulmon, qo‘liga qarab turgan odamlariga talablarini qondirishdan oldin Aqidani tiqishtirish vojib!