Yuklanmoqda…
Yuklanmoqda…
Alloh taolo Yusuf alayhissalam haqida aytadi: «Odatdagidek yetti yil ekin ekib, yig‘ilgan hosilni boshoqda qoldiringlar (ya‘ni shundog‘icha zahira qilib qo‘yinglar), illo ozroq yemishlaring bundan mustasno.» (Yusuf: 47) E’tibor bering: yetti yillik ozuqaning hammasini asrab qo‘yib, yemishga ozroq qismini qoldirishni buyurdilar. Bu ummat g‘amida uzoq kelajak rejasi bo‘lib, tavakkul va zuhdga zid emas va baxillik ham emas. Shuningdek, Umar raziyallohu anhu aytadilar: «Agar musulmonlarning oxiri (ya’ni kelajak avlod g‘ami) bo‘lmaganda edi, qaysi shaharni fath qilinsa, (mujohidlarga) taqsimlab berar edim; xuddi Rasululloh alayhissalom Xaybar yerlari (fath qilinganda) taqsimlab berganlaridek.» (Imom Ahmad) Chunki o‘ljalar aslida jangchilar orasida taqsimlanishi kerak — bu Rasululloh alayhissalom qilgan ish. Lekin hamma narsa taqsimlab yuborilaversa, kelajak avlodga nima qoladi? Shayx Sulaymon Ulvon aytadilar: «Yuqoridagi rivoyatdan kelajak rejasini tuzish joizligi chiqadi; bu zohidlikka zid emas.» Shuning uchun biror amir yoki boshliqlar o‘z manfaati uchun emas, ummat kelajagi nuqtayi nazaridan “quvurning og‘zini” qattiqroq bog‘lasa, hech kim ularni baxillik yoki qattiqqo‘llikda ayblay olmaydi.