Foydalar 25-dars | Qattiq muhabbat qo'ygan narsasini Alloh uchun qurbon qilish

Alloh taolo aytdi: “Eslang, Muso qavmiga aytgandi: Albatta, Alloh sizlarga bir sigir so‘yishni buyurmoqda.” (Baqara: 67) Imom Mavrudiy aytadilar: “Nega Bani Isroilga aynan sigir so‘yish buyurilgandi, deyilsa — chunki ular sigirga sig‘inishar edi. Ularning qalbida buyuklab yurgan maxluq muhabbatini sindirish maqsad qilingan edi.” Xuddi shuningdek, Sod surasining 30–33-oyatlarida Sulaymon alayhissalom otlariga mahliyo bo‘lib, ibodatdan chalg‘ib qolgach, ularning hammasini oyoq va bo‘yinlaridan chopib so‘yib tashladilar. Xulosa shuki: Banda nimaga qattiq muhabbat qo‘yib, o‘sha narsaga ta’zim qilsa va Allohdan-da ko‘proq yaxshi ko‘rsa — Alloh uni aynan o‘sha narsani qurbon qilishga buyurib, imtihon qiladi.