Yuklanmoqda…
Yuklanmoqda…
Bir kishi yoki jamoat haqida hukm chiqarilganda insofsizlarcha: “Ular hech kim emas” deb yuborish — bu johillar odati. Alloh taolo Baqara surasining 113-oyatida aytadi: “Yahudlar: ‘Nasroniylar hech qanday narsa ustida emas (ya’ni ularning hech narsasi to‘g‘ri emas)’ — dedilar. Nasroniylar ham: ‘Yahudlar hech narsa ustida emas’ — dedilar. Holbuki, ularning barchasi Kitobni tilovat qiladilar. Shuningdek, bilmagan (johillar) ham ularning so‘zlarining misolini aytdilar. Alloh esa ularning ixtiloflariga qiyomat kuni O‘zi hukm qiladi.” Bugun ham jamoatparast bo‘lib olganlar orasida shunday manzarani ko‘ramiz: Ba’zilar: “Falonkilar murji’iylar, ular hech kim emas” desa, boshqalari oshirib: “Falonkilar jahannam itlari, ular hech kim emas” deydi. Bu orada esa johillar kelib: “Bularning ikkalasi ham hech kim emas” — deb qo‘yadi! Eng ajablanarli tomoni shundaki, o‘sha johil oxirida yana o‘zi aytib qo‘yadi: “Men o‘zi ahli ilm emasman, faqat tahlil qilyapman” — deydi!