Yuklanmoqda…
Yuklanmoqda…
Hasan Basriy rahimahulloh aytadilar: “Mo‘min dinni yashirmaydi va dinni tarqataman deb talashib-yoqalashmaydi ham. Agar yetkazgan dinini odamlar qabul qilsa, Allohga hamd aytadi. Agar rad etishsa ham, Allohga shukur qilib qo‘yaveradi.” Izoh: Alloh taolo shuning uchun Rasulullohga ﷺ tasalli bildirib, aytgan: «Ehtimol, sen ular iymon keltirmaganiga afsus chekib, o‘zingni halok qilarsan!» (Kahf, 6) Shuning uchun hozir ko‘pchilikka yetgan musibatlardan biri shuki: inson o‘zining aytganiga go‘yo hamma ergashishi shart deb o‘ylaydi. Kim qarshi gapirsa, yomon ko‘radi; talashadi. Odamlar uning so‘ziga kirsa, ergashuvchilari ko‘paysa — xursand bo‘ladi. Aksincha, ergashishmasa — xafa bo‘ladi. Holbuki, aslida din odamlar unga ergashishi uchun emas, balki Allohning roziligi uchun tarqatiladi!