Yuklanmoqda…
Yuklanmoqda…
Muoviya roziyallohu anhu Ibn Abbos roziyallohu anhuga dedilar: — “Sen Alining (roziyallohu anhu) millatidamisan?” Ibn Abbos roziyallohu anhu aytdilar: — “Yo‘q! Men na Alining, na Usmonning (roziyallohu anhumo) millatida emasman! Men Nabiy sollallohu alayhi va sallamning millatidaman!” (Imom Lalikaiy, Usul al-I‘tiqod, 133) Izoh: Ma’lumki, Ali va Muoviya roziyallohu anhumolar o‘rtasida nizo bo‘lgan edi. Muoviya roziyallohu anhu Ibn Abbosning kim tarafini olishini bilmoqchi bo‘ldilar. Ammo u kishining javoblari na Ali va na Muoviya roziyallohu anhumolar tomonida bo‘ldi. U zotning: “Men Usmonning millatida ham emasman” degan so‘zlari — “Men Muoviya tomonida ham emasman” degan ma’noni bildiradi. Mana bu voqea bugungi kundagi toifakashlikka barham beradigan buyuk qoidadir: kim Nabiy sollallohu alayhi va sallam millatida bo‘lsa, biz o‘sha tomonmiz! Bunda biz hech kimga tilyog‘lamalik qilmaymiz va malomatidan ham qo‘rqmaymiz. Ixtilof chiqqanda: “Shayximiz nima derkin, ustozimiz nima derkin” deb emas, balki Ibn Abbos roziyallohu anhuning aytganlaridek, to‘g‘ridan-to‘g‘ri sunnatga qaytamiz. Demak, agar Ibn Abbos roziyallohu anhu — Ali yoki Muoviya tarafdori bo‘lish fitnaga sabab bo‘lganda, ikkovini ham qo‘yib, sunnatga qaytgan bo‘lsalar — bugungi kunda fuloniy-fuloniy deya tarafkashlik qilayotganlarning sunnat ustida emasliklari ayon bo‘ladi.