Foydalar 6-dars | Fitna zamonida sobit turishlik

Fitna zamonida oqimga qarab oqib ketavermaslik kerak. Qaysi jamoatga mansub bo‘lsangiz ham, sergak turing, o‘sha jamoat bosimi bilan ta’sirlanib ketmang. Alloh taolo aytdi: “Biz sizga vahiy qilgan narsalarni qo‘yib, bizga boshqasini to‘qishingizni istab, sizni vahiydan burib yuborishlariga sal qoldi. Agar shunday qilganingizda sizni qalin do‘st tutib olardilar. Agar Biz sizni sobit qilmaganimizda, ularga biroz moyil bo‘lib qolardingiz. Unda sizga dunyoda ham ikki hissa, oxiratda ham ikki hissa azob berardik. So‘ngra Bizga qarshi biror yordamchi topa olmasdingiz.” (Al-Isro 73–75) Qancha kishilar “amirim”, “ustozim”, “yurtim”, “mazhabim” deb, haqdan ko‘z yumib yashamoqda. Bilib qo‘ying: Alloh hatto O‘z rasuliga ogohlantirib aytdi — “Bizga qarshi biror yordamchi topolmaysiz.” Shuning uchun turli toifalardagi munofiq kazzoblar yoki g‘uluv ahli sizni “do‘stim” deb yurganiga xursand bo‘lmang. Tadabbur qiling: ular Rasululloh ﷺni qachon do‘st tutmoqchi bo‘lishgan? Qachonki, haqdan ko‘z yumib, ular tarafga bir qadam tashlaganlarida.