Yuklanmoqda…
Yuklanmoqda…
Alloh taolo Baqara surasining 61-oyatida yahudlar haqida shunday deydi: “Eslanglar! (Ey Muso,) siz: ‘Biz bir xil ovqatga (bedana go‘shti va asalga) sabr qila olmaymiz. Robbingga duo qilgin, biz uchun yer o‘stiradigan nabototlar, poliz ekinlari, bodring, sarimsoq, yasmiq va piyozlardan chiqarsin’, degandingiz. Muso dedi: ‘Sizlar shunday yaxshi narsani arzimas narsalarga almashtirasizlarmi?! Boringlar, biror shaharga, sizlarga so‘ragan narsalaringiz bor!’ Va ularga (shundan keyin) xorlik va baxtsizlik solindi, va Allohning g‘azabiga duchor bo‘ldilar.” Endi qarang! Banu Isroil yillar davomida Fir’avn zulmi ostida xor hayotga ko‘nikib qolishdi. Piyoz va sarimsoq yeyishga o‘rganib qolganlari uchun, osmondan tushib turgan bedana go‘shtidan ham zerikib, bezib qolishdi. Aslida eng katta xorlik — insonning fir’avnlar zulmiga ko‘nikib, unga o‘rganib qolishidir! Alloh ularga izzatli hayot berganda, ular yana xor hayotni qo‘msashdi! Bugungi kunda musulmonlarning hayoti ham xuddi shunga o‘xshab qoldi. Alloh bizga izzatli hayot berayotganida, yana xor hayotni — G‘arbning iflos hayotini istovchi musulmonlar chiqdi. Banu Isroil oddiy ovqatdan bezib boshqacha ovqat istagani uchun xorlikka duchor bo‘lsa, bugungi musulmonlarning xorlik sababini o‘zingiz tushunavering! Chunki hozirgilar shariat o‘rniga boshqa turmush tarzini istashmoqda. Hatto shar’iy hayot, islomiy xalifalik tilga olinsa, ular uni ertakdek, o‘tmishdagi afsona singari ko‘radilar. Chunki ular fir’avnlar hayotida piyoz va sarimsoq yeyishga o‘rganib qolishgan, islomiy hayot lazzatidan esa bebahra qolishgan. Shuning uchun ham: “Boringlar, so‘raganlaringni olinglar” — deyilgandek, musulmonlar har xil shaharlarga sochilib yuborildi.